Amăng mông bơkơtuai, Khua git gai Ping gah, Khua mir sir ơi Tô Lâm pơsit tong tơlơi čang rơmang tŏ tui hơkrŭ kjăp, hrưn đĭ bruă ngă hrŏm anai. Ngă hrŏm bơwih ƀong huă, sĭ mơdrô hăng tuh pơ alin lĕ tơlơi pơtrut kơtang hloh, jing atur phun kjăp phik tô nao rai dua boh dêh čar. Việt Nam glăk gir run pơtrut kơtang kiăng tơlơi rô nao ngă hrŏm anai jing bơkơnar ƀiă amăng hơdôm thun pơ anăp.

Khua git gai Ping gah, Khua mir sir ơi Tô Lâm brơi thâo, Việt Nam ƀuăn pơhlôm hơđong bruă kơđi čar-mơnuih mơnam, ba glăi tơlơi hơđong amăng djop akŏ bruă sui pơ anăp hăng hơdôm anom bơwih ƀong; pơtrut pơplih tơhnal pơkă, tŏ tui pel ĕp, pơhrŏ trun lu hră pơ-ar, pơsir hĭ hơdôm bruă dŏ gun kiăng pơjing tơhnal pơkă tong ten, pơmut hrŏm, wai pơgang tơlơi dưi djơ̆ tơlơi phiăn mơng hơdôm anom bruă tuh pơ alin; mă yua klă, hơđong apui yua, ia yua, anih yua dăng kông, lŏn mơnai mă yua tong ten hăng ngăn rơnoh.