Tlam mơmot kơnôl 9/11, Khua dêh čar Japan ơi Takaichi Sanae tŭ jum Khua ping gah, Khua mir sir ơi Tô Lâm. Tơdơi kơ bưp, Khua dêh čar Japan hăng Khua ping gah, Khua mir sir ba jơlan khua mua dua boh dêh čar bơjơnum. Việt Nam hăng Japan sit nik akŏ pơjing tơlơi rô nao rai pơtom hiăp thun 1973. Găn rơgao rơbêh kơ 50 thun pơbuă tui hăng akŏ pơjing tơlơi rô nao rai ngă hrŏm plah wah Việt Nam hăng Japan hơkrŭ tui na nao, đĭ kyar amăng abih bang bruă mă.

Japan jing sa amăng hơdôm dêh čar ngă hrŏm bơwih ƀong yom hloh jing dêh čar djru brơi prăk ODA prong hloh kơ Việt Nam. Jai hrơi hơmâo lu sang bruă bơwih ƀong Japan amăng hơdôm bruă gah măi mok boh thâo yom, biă ñu lĕ tơlơi rơgơi ană mơnuih ta pơčeh phrâo (AI), lăng ba hăng pok prong bruă mă ƀơi Việt Nam. Ta dưi lăi, tơlơi rô nao rai Việt Nam - Japan glăk amăng thun blan đĭ kyar hiam hloh, đăo kơnang kơđi čar kơtang hloh mơn. Japan dong yua kơ Việt Nam amăng lu bruă, ƀơi mông jơnum dua bơnah, hăng lu dêh čar. Tal nao čuă dêh čar Japan mơ̆ng Khua ping gah, Khua mir sir ơi Tô Lâm hơmâo čang rơmang pơtrut tui hơdôm hră hơmâo kĭ mơ̆ng khua mua dua boh dêh čar jing jơlan hơdră, kơčăo bruă ngă hrŏm sit nik ƀơi djŏp bruă mă. Mơ̆ng anun, tal čuă jơmư anai amra gum pơgôp đĭ kyar mơ̆ng rim boh dêh čar, ăt kah hăng amăng tơlơi rơngai, ngă hrŏm hăng đĭ kyar amăng kual wơ̆t hăng ƀơi rŏng lŏn tơnah./.