Boh yom phun dưi hơmâo lu khua mua đing nao lĕ thun pơkă kơ mơnuih dưi blơi hăng djup hot.

Mrô rơnoh lăi pơthâo rĭm thun 100.000 čô mơnuih djai yua kơ hrip djơ̆ asăp hot arăng djup; lơ̆m 100 čô mơnuih ƀôn sang Việt Nam lĕ hơmâo 1 čô djai yua kơ asăp apui hot ngă, hơmâo hơdôm čô khua pơ ala rơkâo đĭ brơi pơđĭ tui thun mơnuih dưi blơi hăng djup hot truh 21 thun, kiăng ngă tui mơ̆ng thun 2028. Ră anai, hơmâo 16 boh dêh čar amăng rŏng lơ̆n tơnah ngă tui tơlơi phiăn djơh hăng anai. Lu khua mua ăt tŭ ư hrŏm hăng tơlơi pơkă, brơi kŏm sĭ hot  pôr amăng plăng internet. Pơgôp hiăp kơ 1 mơta tơlơi phiăn čih pơhrua nao 6 mơta tơlơi phiăn amăng bruă ia jrao, ƀing khua pơ ala rơkâo kiăng hơmâo jơlan hơdră pơkă abih bang, pơhaih rơđah, tơpă ară rơnoh sĭ hot hăng gơnam yua gah ia jrao pơjrao tơlơi ruă.