Kơčăo bruă jơlan rơdêh đuăi hmar mơ̆ng Quy Nhơn nao pơ Plei Ku ataih 125 km, jơlan prong păng djop 4 boh rơdêh nao ha amăng plĕ, rơnoh prăk tuh pơ alin 43.734 klai prăk, pơpha jing 3 črăn bruă čuk pơkra, yua kơ Jơnum min mơnuih ƀôn sang tơring čar Gia Lai tuh pơ alin; him lăng čuk pơkra giong amăng thun 2029.

Kơ-iăng khua dêh čar, ơi Phạm Gia Túc nao ĕp lăng kiăng thâo rơđah hnơ̆ng mă bruă, pơklaih ala lơ̆n hăng anih mă čuah pơtâo pioh man pơkra atur jơlan ƀơi dua boh sang bruă XL01 hăng XL02, gah kơčăo bruă črăn 1. Amăng anun, anung prăk gah XL02 hơmâo 2000 klai prăk, kiah ngă djop rơbêh 18% črăn bruă đôč, dŏ kaih pơkă hăng akŏ bruă. Hăng črăn bruă 2, yua lơ̆n glai čư̆ siăng tơnap tap, boh nik ñu čuk mur amăng gŭ čư̆ An Khê hăng Mang Yang, anŏ glông ataih truh 5, 75 km, pơkă tơhnal ngă tui boh thâo ia rơgơi tơnap hloh čuk pơkra. Kơ-iăng khua dêh čar pơtrun hiăp brơi djop sang bruă gum ngă hrŏm pơsir tañ tơlơi tơnap tap amăng bruă čuk pơhluh bah amăng jơlan mur, pơdŭ pơgiăng lơ̆n pơtâo, čuah, gơnam yua man pơkra hăng iâu pơtum lu mơnuih mă bruă, rơdêh čuk, gơnam yua djru tui klôn.