VOV4.Jarai-Tlam mơmŏt lơ 1/12, ƀơi Bà Rịa-Vũng Tàu, Khua dêh čar ơi Phạm Minh Chính nao pơhmư̆ mông jơnum gah anom bruă ia jâo ayuh hăng apui lơtrik jua angin ƀơi ia rơsĭ hơmâo rơnoh či man pơdong prong hăng klai USD mơ̆ng Group ia jâo ayuh Việt Nam.

VOV4.Jarai - Lơ 1/12, ƀơi plơi prong Buôn Ma Thuột, tơring čar Dak Lak pơphun ngă lơphet sĭ container kơphê hna mah jing tơpung blung a mơ̆ng Miss EDE kơ dêh čar Mi.

VOV4.Jarai - Mơguah lơ 1/12, Ding jum kơđi čar, Grŭp ding kơna git gai Ping gah pơphun Jơnum đơ đam dêh čar lăi pơthâo, klah čun bruă ngă tui Tơlơi pơtrun pơsit 18 mơ̆ng Ping gah dêh čar, tơlơi bơwih ƀong – mơnuih mơnam thun 2024 hăng jơlan gah pơsir pơ̆ anăp anai.

VOV4.Jarai - Tơring čar Dak Lak hmâo anih anom phun bruă mă hăng jing pran pơtrut pơđĭ kyar kual Dap Kơdư; hăng hơdôm tơlơi glai klô ayuh hiăng, jing kual lŏn hmâo lu phiăn juăt ngă hơkrŭ, bôh thâo đưm phara, tơring čar Dak Lak glăk gir run hrưn đĭ pơsit pran jua pơdŏng plơi pla jai hrơi jai pơdrŏng kơtang.

VOV4.Jarai-Grup pel ĕp mrô 1355 mơng Khul git gai Ping gah yua thượng tướng Trịnh Văn Quyết, Khua anom bruă kơđi čar ling tơhan dêh čar Việt Nam ba jơlan hlâo, hơmâo mông mă bruă hăng Khul apăn bruă Ping gah tơring čar Gia Lai.

VOV4.Jarai-Mơguah tom brơi (29/11), ƀơi Hà Nội, Kơ-iăng Khua dêh čar ơi Lê Thành Long nao lăng mông jơnum mut hrŏm hrơi jar kmar pơgang AIDS (1/12) hăng anăn “Bơkơnar, hlơi hlơi lêng kơ dưi tŭ mă hơdôm tơlơi djru amăng pơgang, pơgăn HIV/AIDS-Anăp nao pơgang hĭ abih kman AIDS amăng thun 2030”.

VOV4.Jarai-Amăng tal rai čuă gưl Kơnuk kơna pơ dêh čar Việt Nam, mơguah tom brơi (29/11) Khua mir sir ơi Lương Cường hăng Ơi pơtao dêh čar Kur Norodom Sihamoni hơmâo nao čuă Văn Miếu-Quốc Tử Giám hăng nao mơñum ia če jơman hloh ƀơi Việt Nam.

VOV4.Jarai-Bơyan kơphê thun 2024-2025, rơnoh kơphê ăt đĭ, ngă lu tơlơi kiăng prăk kăk či yua mơ̆ng djop sang bruă  mơdrô blơi hăng ba sĭ kơphê pơ dêh čar tač rơngiao. Kiăng ngă djơ̆ tơlơi pơtrun phrâo, Sang bruă prăk kơnuk kơna ƀơi Dak Lak hơmâo git gai brơi djop sang bruă prăk pơphun brơi čan, djop rơnoh prăk jao, dưi djop prăktuh pơ alin kơ bruă mă.

VOV4.Jarai-Mơ̆ng thun 2015 truh ră anai, tơring čar Gia Lai hơmâo pơhrŏ trun 189 boh anom bruă kơnuk kơna hăng hrŏ trun 1.500 čô mơnuih apăn bruă sit nik ƀong prăk blan ngăn drăp čar. Boh tơhnal anai, djru kơ tơring čar hơbôt hloh, pơhrŏ prăk yua, laih dơ̆ng pơđĭ tui boh tŭ yua bruă mă amăng čar.

VOV4.Jarai-Hrơi anai, lơ 30/11, ƀing pơ ala mơnuih ƀôn sang dêh čar jơnum hrơi tal rơnuč lok 8, tal 15. Jơnum pơđut anai dưi pơdah thâo amăng tivi hăng pơtui jua pơhiăp pôr amăng brô̆ hmao klôn.