VOV4.Jarai - Čơtlăm tom brơi (26/11), ƀơi Sang mă bruă Khua pơ ala mơnuih ƀôn sang, Khua git gai pơ ala mơnuih ƀôn sang dêh čar ta ơi Trần Thanh Mẫn git gai mông mă bruă mơ̆ng Jơnum min apăn bruă Khua pơ ala mơnuih ƀôn sang dêh čar gum pơhiăp kơ Hră čih pơkra Tơlơi pơtrun pơsit mơ̆ng Khua pơ ala mơnuih ƀon sang kơ hrŏ trun prăk mă jia nua gơnam.

VOV4.Jarai - Lơ 26/11, amăng rơwang rai čuă dêh čar Việt Nam, Khua mir sir dêh čar Bulgaria Rumen Radev hăng Grŭp hyu mă bruă hmâo nao čuă, mă bruă hăng khua ƀôn prong Hải Phòng.

VOV4.Jarai - Mơguah lơ 26/11, ƀơi Ƀirô mă bruă Gong gai dêh čar ta, Kơ-iăng Khua dêh čar ta ơi Nguyễn Hòa Bình, hmâo mă bruă laih hăng 3 ding jum hăng 8 bôh tơring čar, ƀôn prong kơ bruă pơplih bruă hră pơ-ar.

VOV4.Jarai-Tlam mơmŏt lơ 25/11, Anom pơtô bruă ping gah dêh čar git gai pơphun jơnum apah bơni tal pơplông hăng pơdă hiam gưl dêh čar hăng anăn “Pơ-ư ang ruăi guai dêh čar” tal III.

VOV4.Jarai-Tơdơi kơ pơđut tal bơkơtuai nao rai, lơ 25/11, ƀơi Hà Nội, Khua mir sir ơi Lương Cường hăng Khua mir sir dêh čar Bulgaria ơi Rumen Radev, hơmâo bưp ƀing čih tơlơi pơhing.

VOV4.Jarai-Mơguah tom brơi (25/11) ƀơi Ƀirô Ping gah, tui tơlơi git gai mơng Khua git gai Ping gah dêh čar ơi Tô Lâm, Jơnum Khul apăn bruă Ping gah tal 13 hơmâo pơphun yôm phăn sem lăng lu boh tơhnal yôm phăn tui tơlơi glăm ba.

VOV4.Jarai - Tơdơi kơ mông čơkă jum, Khua mir sir dêh čar ta ơi Lương Cường hăng Khua mir sir dêh čar Bulgaria Rumen Radev ba jơlan hlâo Grŭp gưl dlông dua bôh dêh čar pơphun bơkơtuai, pơsit bôh tơhnal gum hrŏm kơplah wah dua bôh dêh čar hơdôm hrơi rơgao hăng ba tơbiă hơdôm jơlan gah gum hrŏm pơ̆ anăp anai.

VOV4.Jarai-Kual Dap Kơdư hlăk pơđĭ kyar tui tơlơi pơblih, pơčeh phrâo, na nao pơiĭ kyar hmar rơnoh gơnam tam mơ̆ng đang hmua, boh tŭ yua hăng rơnoh sĭ mơdrô ăt đĭ lu, djru hrŏm hơmâo năng ai 7 klai dolar amăng rơnoh prăk sĭ mơdrô gơnam tam boh troh đang hmua amăng dêh čar. Pơđĭ kyar hmar, kual Dap Kơdư ăt ƀuh hơmâo mơ̆n anŏ aka ƀu gêh găl, hlăk kiăng prăp lui hur har hloh amăng bruă git gai wai lăng mơ̆ng kơnuk kơna, djă pioh tơlơi gơgrong ba mơ̆ng rim tơring čar, anom bruă, mơnuih ngă khua pô git gai wai lăng.

VOV4.Jarai-Tlam lơ 24/11, ơi Trần Thanh Mẫn Khua git gai pơ ala mơnuih ƀôn sang dêh čar ta hrŏm hăng grup khua mua pơprong mơ̆ng Ping gah, kơnuk kơna dêh čar pơđut laih tal nao čuă jơmư sit nik dêh čar Kur hăng jơnum hrŏm abih bang tal 12 mơ̆ng Jơnum jar kmar hơdôm bơnah ping gah kơđi čar kual ASIA (ICAPP); jơnum hrŏm tal 11 mơ̆ng ƀing khua mua pơ ala mơnuih ƀôn sang jar kmar yua Pap brơi hăng rơnuk rơnua (IPTP) mơ̆ng lơ 21-24/11.

VOV4.Jarai - Tom brơi (24/11), Khua mir sir dêh čar Bulgaria Rumen Radev hăng Bơnai ñu pơphun rai čuă dêh čar Việt Nam mơ̆ng lơ 24-28/11 tui tơlơi jak iâo mơ̆ng Khua mir sir dêh čar ta ơi Lương Cường.