
Jơnum lok anai pơphun amăng dua hrơi lơ 24 hăng lơ 25/6 hăng lu boh yom phun lăi nao: Pơtong glăi tơlơi pơhing bơwih ƀong huă mơnuih mơnam 6 blan akŏ thun; pơčrong sai hăng rơkâo pơsit hơdôm pok hră pơdah đĭ, hră pơtrun rơkâo pơsit čih pơkra glăi akŏ bruă tuh pơ alin ring bruă čar sui thun mơ̆ng thun 2021-2025, jơlan hơdră djru kơ čơđai sang hră djop gưl, čơđai sang hră gưl prong să Nhơn Châu hlăk dŏ hrăm bruă amăng tơring čar laih anun lu boh yom phun pơkŏn.

Yap mơ̆ng lơ 1/7, dua boh tơring čar Bình Định hăng Gia Lai amra pơmut jing sa boh tơring čar Gia Lai phrâo, hơmâo abih bang 135 boh să, phường. Bruă pơmut glăi tơring čar ƀu kơnong pok prong đơ đam tơring čar prong hloh đôč ôh, dŏ jing anŏ gêh găl pơtrut kơtang, pơđĭ kyar lu. Khă hnun, lơ̆m ngă tui hơdră anai ăt amra hơmâo lu tơlơi či lông lăng kiăng pơtum pơsir hĭ, gir run hloh ngă pơgiong tơhnal pơkă, bruă mă bơwih ƀong huă mơnuih mơnam thun 2025, kiăng ngă djop rơnoh pơkă GRDP rơbêh 8,5%.
Viết bình luận