Amăng 124 bôh anom bruă čar gưl să mơ̆ng tơring čar Lâm Đồng hmâo 113 bôh anom rơkâo dưi ba nao gum djru, đa hmâo anih kiăng 12 čô mơnuih apăn bruă. Amăng mrô rơbêh kơ 400 čô mơnuih apăn bruă mơ̆ tơring čar pơkă hlâo amra brơi nao djru să, hmâo 93 čô mơnuih apăn bruă gah mă yua  măi mok kompiutơr; 68 čô mơnuih gah kông ngăn glai klô rơhuông adai lŏn mơnai; 42 čô mơnuih mă bruă gah prăk kak; 35 čô mơnuih mă bruă gah man pơdŏng hăng 34 čô mơnuih mă bruă gah tơlơi phiăn - hră pơ-ar anih dô̆... hrŏm hăng mơnuih juăt bruă pơkon.

Bruă brơi nao mơnuih apăn bruă tơring čar pơ̆ să djru gum hmâo yap nao truh, yua kơ tơdơi giăm hmâo 1 blan mă bruă gong gai 2 gưl, lu sa phường amăng tơring čar kơƀah mơnuih mă bruă. Sa dua bôh anom gưl tơring glông hơđăp hmâo pơpha mơnuih nao pơ̆ să ƀuh dưm kơnar, anih kơƀah, anih rơbêh. Hmâo anih mơnuih apăn bruă akă ngă klă bruă jao amăng bruă hmâo jao./.