Mông jơnum dưi pôr hyu pơ̆ 34 bôh tơring čar, ƀôn prong, 3.321 bôh să phường, kual phun amăng đơ đam dêh čar. Khua dêh čar ta lăi rơđah, anô̆ bơdjơ̆ nao mơ̆ng pơplih ayuh hyiăng, kơthel hơjan ngă jai hrơi ƀu hmao thâo, ƀu klă, tơnap pơkă lăng hlâo; hăng kơthel tal 3 (Wipha) thun anai, khă hơdôm gưl, hơdôm gơnong bruă, tơring čar, ƀôn prong gơgrong hlâo pok pơhai bruă pơgang, pơgăn ayuh hyiăng ƀu klă ngă, pơkă lăng hlâo, lăi pơtă hlâo, lăi pơhing kiăng mơnuih ƀôn sang gơgrong hlâo, pơgang hlôm hlâo, bŏng glăi hăng kơthel, hrŏ trun tơlơi răm rai.

Khă hnun hai, kơthel hmâo luh nao laih pơ̆ tơring čar Nghệ An hăng mrô ia hơjan prong ngă răm rai kơtang. Khua dêh čar rơkâo pơpha bruă, pơpha bruă jao pơphô hlâo, črâo ba pơgang, pơgăn ayuh hyiăng ƀu klă ngă lăp djơ̆, pơpha bruă jao mơ̆ng hơdôm ding kơna Grŭp črâo ba hăng pran jua "rơđah mơnuih, rơđah bruă, rơđah bruă gơgrong, rơđah rơnoh, rơđah bôh tơhnal, rơđah tơlơi dưi", kiăng mơ̆ng anun lăng glăi, pơsit djơ̆ tơlơi. Khua dêh čar ăt rơkâo mơn gong gai dua gưl ngă tui klă bruă pơgang pơgăn ayuh hyiăng ƀu klă ngă hăng hyu hơduah ĕp mơnuih hmâo tơlơi truh./.