Tal jơnum hmâo pel ĕp lu tơlơi pơtrun pơsit yôm phăn hlâo kơ pơmut hrŏm hăng 2 tơring čar Bình Phước, Dak Nông jing tơring čar Lâm Đồng phrâo. Tal jơnum pel ĕp 6 tơlơi pơtrun pơsit yôm phăn, amăng anun hmâo 3 tơlơi pơtrun pơsit bơdjơ̆ nao kơčăo bruă tuh pơplai bruă hrŏm, 1 tơlơi pơtrun pơsit pơdơi hơdră pơtrun tuh pơplai rơwang bruă, 1 tơlơi pơtrun pơsit bơdjơ̆ nao tơlơi pơsit pơhrui prăk, mă yua ngăn drăp hăng 1 tơlơi pơtrun pơsit  kơ pơhrua nao sa mrô hră pơkôl mơnuih mă bruă amăng bruă pơtô pơhrăm.

Pơhiăp amăng mông klah čun tal jơnum, Khua Khul khua pơ ala mơnuih ƀôn sang tơring čar Lâm Đồng yă Phạm Thị Phúc lăi lĕ, hơdôm bôh yôm dưi pel ĕp, pơsit amăng tal jơnum hmâo bôh tŭ yua sit nik, laih anun pơhlôm djơ̆ phiăn, laih anun jing phun than kơ rơwang jao čơkă mă, anăp nao ngă tui pơmut hrŏm tơring čar, dưm dăp anom mă bruă čar gưl să hăng pơphun hơdră gong gai plơi pla 2 gưl./.