Amăng 6 blan akŏ thun 2025, tơring čar Dak Lăk hơmâo ngă djŏp, dưm kơnar hăng tŭ yua hơdôm tơlơi pơtrun mơ̆ng Ping gah, tơlơi git gai mơ̆ng Ding jum kơđi čar, Khul khua git gai Ping gah kơ dăp glăi anom bruă kơnuk kơna, gong gai 2 gưl, ngă hơbôt anom bruă kơnuk kơna. Rơngiao kơ anun, tơring čar pơƀut pơsir hĭ hơdôm tơlơi dŏ gun amăng pơđĭ kyar, pơsir đut tơhnal bruă tơgŭ kơđi lu mơnuih, tơnap hăng sui.

Ƀơi mông jơnum anai, khua mua pơ ala tơring čar Dak Lăk sem lăng hơdôm tơlơi lăi pơthâo glăi gah bruă đĭ kyar bơwih ƀong huă - mơnuih mơnam 6 blan akŏ thun, hơdră ngă bruă 6 blan dŏ glăi; 17 tơlơi pơtrun bơdjơ̆ nao bruă bơwih ƀong huă, mơnuih mơnam, prăk kăk, tuh pơ alin, hơdră dêh čar djru mơnuih ƀôn sang; bruă krăp lăng kơčăo bruă thun 2025 hăng lu tơlơi yôm pơkŏn dong./.