Anai jing thun tal 3 Khua dêh čar Việt Nam pơhmư̆ hăng hơmâo tơlơi pơhiăp ƀơi mông Jơnum bơwih ƀong huă rŏng lŏn tơnah, tơlơi jơnum yôm anai pơdah tơlơi pơpŭ, lăng yôm mơ̆ng Jơnum bruă bơwih ƀong huă rŏng lŏn tơnah, ăt kah hăng anom bơwih ƀong jar kmar hăng tơlơi hmư̆ hing, gơgrong bruă wơ̆t hăng tơlơi gum pơgôp mơ̆ng Việt Nam amăng rơnoh đĭ kyar amăng jar kmar wơ̆t hăng amăng kual.

Him lăng amăng hơdôm hrơi pơ dêh čar Khač, Khua dêh čar ơi Phạm Minh Chính amra hơmâo mông jơnum, bưp khua mua dêh čar Khač hăng hơdôm boh dêh čar pơkŏn, pơhmư̆ mông Jơnum anom bơwih ƀong Việt Nam - Khač, tŭ jum khua mua hơdôm grup bơwih ƀong prong dêh čar Khač, bưp mơnuih ƀôn sang hăng čơđai sang hră Việt Nam ƀơi čar Khač./.