Gia Lai tŭ ư pơtruh nao rai mă yua klă sang ia jrao
Thứ tư, 11:00, 25/06/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Mơguah lơ 24/6, ƀơi mông jơnum tal 27, Jơnum min pơ ala mơnuih ƀôn sang tơring čar Gia Lai pơsit Kơčăo bruă mă yua ngăn hơdrăp kơnuk kơna ƀơi Sang ia jrao prong tơring čar kiăng pơtruh hrŏm hăng Kông ti TNHH Sang ia jrao Bình An Gia Lai, hăng rơnoh tuh pơ alin him lăng rơbêh 350 klai prăk.
Kông ti Sang ia jrao Bình An amra pơgôp năng ai 250 klai prăk blung a, mă yua abih gơnam tam, măi mok ia jrao glăk hơmâo, hrŏm hăng anun hơduah ĕp mơnuih mă bruă bơwih brơi bruă khăm pơjrao, kiăng ngă bruă klă hloh.
Kơčăo bruă anai hơmâo ngă tui amăng 30 thun. Tui hăng Jơnum min mơnuih ƀôn sang tơring čar Gia Lai, bruă pơtruh nao rai ngă hrŏm jing bruă khŏm ngă yơh yua dah Sang ia jrao prong tơring čar Gia Lai mah hơmâo tuh pơ alin laih kơ gơnam yua, mơnuih mă bruă, samơ̆ aka ƀu djơ̆ tui hăng tơlơi kiăng mơ̆ng mơnuih ƀôn sang./.
Viết bình luận