Mơguah, Khua pơ ala mơnuih ƀôn sang pơsit pel ĕp 8 tơlơi phiăn, anun lĕ: Phiăn pel ĕp kơđi tơlơi (pơplih pơkra); Tơlơi phiăn pơplih pơkra, pơhrua nao sa dua mơta tơlơi mơ̆ng Tơlơi phiăn ƀom kiơng, Tơlơi phiăn ƀom đĭ bruă čar, Phiăn tơlơi phiăn mơnuih akă truh tơdăm dra, Phiăn lui ruh mơ̆ng anom bơwih ƀong hăng Tơlơi phiăn pơsir kơđi, bơkơtuai ƀơi Sang phăt kơđi; Tơlơi phiăn pơplih pơkra, pơhrua nao sa dua mơta tơlơi amăng Tơlơi phiăn phăt kơđi; Tơlơi phiăn pơplih pơkra, pơhrua nao sa dua mơta tơlơi phiăn mơ̆ng Tơlơi phiăn mă yua hră pơ-ar pơkă tơlơi phiăn.

Gah bruă ruah mơnuih mă bruă, Jơnum min apăn bruă Khua pơ ala mơnuih ƀôn sang dêh čar lăi pơthâo glăi Khua pơ ala mơnuih ƀôn sang kơ bruă pơblang, tŭ mă tơlơi gum pơhiăp khua pơ ala mơnuih ƀôn sang dêh čar bơkơtuai ƀơi grŭp, hlâo kơ Khua pơ ala mơnuih ƀôn sang dêh čar pơsit bruă mơnuih mă bruă gah pô dưi hăng hơdră plĕ hră hơgom. Tơdơi kơ bơkơtuai ƀơi grŭp, Khua pơ ala mơnuih ƀôn sang dêh čar pơsit pel ĕp hră čih anăn hăng pơphun ruah Khua Khul ruah khua dêh čar hăng bruă mơnuih mă bruă pơkon gah pô dưi hăng hơdră plĕ hră hơgom. Tơdơi kơ dưi ruah, Khua Khul ruah khua dêh čar amra lăi pơthâo tơlơi rơkâo Khua pơ ala mơnuih ƀôn sang dêh čar pơsit hră čih anăn Kơ-iăng Khua hăng Ding kơna Khul ruah khua mơ̆ng dêh čar./.