VOV4.K’Ho- “Yal yau bơh tài mờ geh tờm kơphê” là dù jơnau yal yau bềng jơnau yal yau Tây Nguyên, yal bè ngguh rơyas ndu gơnrơh bơh tờm kơphê dê- bơta chi gơ jăt bal mờ rài kis làng bol ù tiah do dê. Yal yau yal bè dồ ƀòn lơgar dềt tiah ală làng bol ơm kis tàm dong tàm kờl bal mờ gơ̆p. Yal yal wăc sềr rùp hin dùl nă klau pơnu khin cha jak chài, neh tam lơh mờ sềm jàñ bơsak ngan, nàng sền gàr ƀòn lơgar sơbơng roh. Bơh ală mhàm ară bơh klau pơnu dê tuh sùh gơmŭt tàm ù tiah dùl bă ù ơnàng ngan mờ neh hòn gơs dùl bơta chi cèng wơl bơta ƀô is ồn ngan, hơ̆ là tờm kơphê.

VOV4.K’Ho- Yal yau “7 nơm tơnau, 3 nơm ñrùh gam hòi là liang” yal bè jơnau tơnggơs ƀòn, ơm kis bơh poh nă kòn klau Yàng Plinh Huynh dê. Bulah bè hơ̆, tài lơh tìs tàm bơta wèr kơryan, den tàng cau bèp neh lơh glài, chu ồs sa jơh 7 nă kòn mờ ală ƀòn ală kòn dê ătbồ tàm brong ồs.

VOV4.K’Ho- Ngai Sa tềp tàm tiah tàm gùl lơgar mờ tiah ring đah jum dà lơgar, làng bol sùm blơi dồ ntê bơkàu mai rơmĭt rê cĭt tềng gri bơkàu ơn tềng jơnăng duh khuai mò pàng. Khi dòn là, geh ntê bơkàu mai rơmĭt gơ niam hìu niam đam chờ hờp Sa tềp mờ gơ kung digơlan ting bơtrơh geh jơh ală bơta cà ràk jàñ bơsak tàm jơh gùt nam tơn. Ală ntê bơkàu mai rơmĭt rùp pơrya ai nùs nhơm khin cha mờ bơta kơ̆p kờñ dồ nam lơngăp lơngai chờ hờp chờ hờn, bơtuah bơtuài bơh kòn bơnus dê.

VOV4.K’Ho- Yau “Đào ồng Tú” kòn cau Bahnar dê yau yal bè cau khin cha jak chài kòn cau Bahnar. Klau pơnu sền rài kis jê sồt chơ̆t jê bơh ƀòn lơgar dê den tàng jơh nùs lơh ngan lik lòt jòi cau jak dồ nùs bal mờ khai nàng tam lơh gơsơ̆t cau sò tơm, nùs nhơm klau pơnu hơ̆ dê lơh ngoh rơngăc trồ tiah, kơnờm geh nrang đàu gơnrơh yàng dê ai pà, khai neh tam lơh lơh gơprah gơpreng jơh cau sò tơm mờ jàu wơl bơta lơngăp lơngai ai làng bol ƀòn lơgar in.

VOV4.K’Ho- Tây Nguyên bơh rài yô rài yau neh là bă ù bơh ală jơnau ndu gơnrơh dê, jơnau yal lơyah, jơnau yal jòng. Ndrờm bè tơl bồ bơnơm, hiòng dà croh, dà dờng, tơl bă brê ndrờm gơklŏ gơcrà ală jơnau ndu gơnrơh lơm. Tàm hơ̆ bơta geh măt bơh ală cau yàng dê bè yàng Trồ, yàng Ù, ală cau bơtau bè Bơtau Ồs, Bơtau Dà, Bơtau Càl. Cau Jrai tàm Tây Nguyên đơs, dà là bơta sơnđờm bơh bơta kis dê.

VOV4.K'Ho- Jơnau yal yau “Yàng Ulâm” kòn cau M’nông dê yal bè 02 nă cau klau, dùl nă cau pas sơm ngan mờ dùl nă cau rơƀah ngan. Cau klau rơƀah lòt tìp Yàng U lâm, geh Yàng bơto broă lơh sa mờ gơs pas sơm, sơlơ̆u wơl cau klau pas sơm đòm jat cau rơƀah tơnơ̆ tŭ lơh jat 3 jơnau kờñ bơh Yàng sồr neh gơs rơƀah wơl. Jơnau yal yau kung pơyoa jơnau yal kờñ geh rài kis lơngăp lơngai, wil tơl pal tơryang tơryồng lơh broă mờ să jan he dê. Tơnơ̆ do, jà làng bol mờ gơ̆p bơyô iăt jơnau yal yau do:

VOV4.K'Ho- “Poh nă klau pơnu” là yau kòn cau Rơđê dê, jờng rơ bơta ngăc ngar, dồ nùs bal bơh poh nă oh mi khin cha jak chài dê, tam lơh mờ bol sềm jàñ nàng sền gàr rài kis lơngăp lơngai. Jơnau yal ai bol he in gŏ, dilah gĭt ngui bơta ngăc ngar mờ tam klăc bal wơl den bulah là ală cau lơbơn ờ pràn kung gơtùi sơl tam lơh jai pha mờ cau pràn kơldang rlau mờ he.

VOV4.K'Ho-

VOV4.K’Ho- Tàm càr Dăk Nông geh dồ ròt ală sèng bơnơm ơm rềp bal, geh Nâm Nung, Nâm Jang hơ̆ sồng tus bơnơm Iar Brê. Ờ mìng lơh geh ù tiah brê bơnơm niam bơnĕ ngan lơm mờ gam lơh gơlik geh tiah ơm kis ƀòn brê bơnơm niam, gơhòi gơ jà ală jơi sềm răc, tàm hơ̆ geh iar brê. Bơnơm Iar Brê gơ wèt xã Nâm N’Jang, kơnhoàl Dăk Song. Bơh tài mờ geh măt Iar Brê taih hơ̆ là tài bơh ală sèng bơnơm hơ̆ geh uă ngan iar brê. Cau M’Nông yal bè jơnau bơh tài mờ geh bơnơm Iar Brê yal loh làng jơnau bơh sơnrờp lơh oh mi bal ală ƀòn ơm rềp bal. Jơnau yal yau do kung tơngkah bal bè broă sền gàr brê bơnơm geh is, phan brê.

VOV4.K’Ho- Ùr gơnrơh Đăng Giai là yau kòn cau Sơdàng dê, yal bè kòn ùr bơtau dê hàng bơnĕ ngan mùl là ùr gơnrơh rê tơma, neh gơsơ̆t jơi sềm cà jàñ bơsak nàng sền gàr làng bol.