VOV4.K'Ho- “Ùr Krŭ” là dùl jơnau yal yau niam ngan bơh kòn cau Bru- Vân Kiều dê, cih yal uă ngan bơhiàn niam chài, pin dờn jăt Yàng mờ nùs nhơm niam kòn bơnus bơh làng bol kòn cau tiah kơh bơnơm Trường Sơn dê. Jơnau yal yau yal bè dùl nă ùr ơruh hàng niam, khin cha jak chài, cèng rùp să is ồn- nggùl cau, nggùl krŭ... jàñ bơsak mơkung lơbơn niam ngan sơl. Ùr krŭ là rùp pơr ya bơh bơta phi să dờng màng, bơh bơta kờñ gơboh jrô ơnàng uă ngan mờ ƀòn lơgar, mờ ù tiah brê bơnơm bal mờ kòn bơnus.

VOV4.K’Ho- Jơnau yal yau “Ndung dờng” kòn cau Jrai dê yal bè klau Rít kòn đời mờ mò Pôm rƀah lơ ời bòl glar kal ke, dòn son geh yàng ndùng tơlik să rê dong kờl neh gơgơs pas sơm ngan. Yàng dong kờl cau rƀah kung là tơngume tàm uă ngan jơnau yal yau bơh ală jơi bơtiàn kis jăt sèng bơnơm Trường Sơn- Tây Nguyên dê mơkung là bơta kơ̆p kờñ bơh làng bol rài yau dê nàng geh rài kis niam rlau. Jơnau yal yau kung kờñ ơn pơyua jơnau đơs geh lơh den hơ̆ sồng geh sa, mờ bañ geh bơta hàm hà phan bơna ờ gŏ di là bơh he dê mờ pal kong dờp lèng jơnau gơlời wơl pơlai soh ngan.

VOV4.K’Ho- Bơh dùl nă klau pơnu dềt rƀah, Y - Nhuăt neh gơ gơs dùl Bơtau pas gơs, geh gơnoar, bơngă pin dờn. Mơya bơta kwơ màng ngan rlau jơh bal mờ bơta pas gơs phan bơna hơ̆ dê là nùs nhơm cau do dê lơbơn niam mờ bơta sền gròi bơh ồng dê lời ai jơh gùt làng bol in. Jơnau yal bè klau Y - Nhuăt ờ mìng là gùng lòt tam gơl rài kis crih crài ngan lơm mờ gam là jơnau bơsram bè bơta pơn đơl lơh pràn brồ guh mờ nùs nhơm lơbơn niam, sùm sùm geh kòn cau Rơđê mblàng lời wơl mờ jờng rơ sùm.

VOV4.K’Ho- Mèo mờ klìu là bàr jơi phan bal mờ să bồ dờng dềt mờ bơta pràn krơi is ngan mơya gơlik gơs wơl là oh mi klau bal tàm dùl hìu bơnhă. Jơnau krơi sơƀơi ngan do rơ̆p lơh tơnggŏ ală dơ̆ tàm lòng bơta jak lơh gơkờñ ngan, ală jơnau gơlik geh dơ̆ gơdan ñŏ dơ̆ gơdan ñìm mờ dùl jơnau tơn jơh bềng bơta nisơna.

VOV4.K’Ho- Jơnau yal yau “bơngàn kơndoh lơ u” yal bè bàr nă ùr bơklau kơnền, geh yàng sơnđàc ai dồ nă kòn klau. Pơ ùr chơ̆t, cau bèp ñìm tus jơngo măt tơn mơya kung gam lơh ngan lơh broă sơl nàng ròng kòn gơgơs jak. Tơnơ̆ tŭ kòn gơgơs kwang bàng kơnhoàl mờ bau, khi duh rơngòt ngan bè mơya tài bơh dồ êt jơnau pơlai phan mờ khi neh lơh kơndoh lơ u nàng lơh bơnàng ai bèp in sào piang. Kơnòm kòn khi dê mờ bàr nă ùr bơklau kwang bàng kơnhoàl hơ̆ sồng đal gĭt geh he lơh bè hơ̆ là ờ gĭt jơnau mờ bèp. Jơnau yal yau do kờñ bơto tơngkah bol he dùl bơta là tàm rài kis sùm gĭt ưn ngài mè bèp, duh rơngòt, gĭt ròng siam sền gàr mè bèp bơh bơta lơbơn niam mờ lơh ală bơta lơi niam ngan rlau jơh ai mè bèp in tŭ gam gơtùi lơh.

VOV4.K’Ho- Tàm ală jơnau yal yau ală jơi bơtiàn bơnơm Trường Sơn- Tây Nguyên dê, rùp hin ală klau pơnu kòn đời mè bèp, hìu rƀah, gơtìp tơl nă cau gơjrañ kơuềng, sang lời, kong bòl glar kal ke tơryăng tơryồng sùm geh yàng dong kờl. Do kung là kơ̆p kờñ bơh làng bol dê kờñ ătbồ jai brê bơnơm geh is sơrlèt rlau mờ bơta rƀah lơ ời bòl glar kal ke, geh dùl rài kis bè kơ̆p kờñ. Jơnau yal yau “Thao H’Khiết” kòn cau Sơdàng Ca Dong dê yal bè klau kòn đời rƀah lơ ời sơnđan să là Thao H’Khiết geh bau mờ kòn ùr hàng bơnĕ ngan bơh bơtau dê, kơnờm bơh yàng dong kờl gơgơs pas sơm, geh ùr bơklau bơtau chờ hờp ngan mờ kờñ ngan.

VOV4.K'Ho- Kòn Raglai geh rài kis niam chài li la uă ngan, is ồn là gùng đơs crih tam ya, mờ ală jơnau đơs crih lơh gơ kờñ nùs nhơm cau dê. Jơnau yal yau “Jơnau đơs crih bơh cau lŭ dê” yal bè kơnòm klau Lŭ Rơdeh đơs ală jơnau đơs crih dờng màng lơh làng bol gơ mut tàm bơta gơ kờñ hŭi jơh àng dar ñơ̆p, tus dì tŭ trồ tơngai guh. Jơnau đơs cau lŭ dê lơh sềm, phan brê tam ya bal mờ gơ̆p hŭi jơh broă lơh aniai phan tam. Mờ jơnau đơs bơh cau lŭ dê kung lơh cau gơ jrañ gơ uềng lời tĕ phàu, rê wơl mờ rài kis lơngăp lơngai.

VOV4.K'Ho- Jơnau yal yau H’ Kung mờ Y Du bơh kòn cau Rơđê dê yal bè jơnau tàm kờñ bơh yô ùr klau dê mơya gơtìp bơta kơryan ờ ai bơh bi klau sơnđan là Y Dang. 2 nă bol khi bơyai bal dô mpồn tus dùl tiah ơm ngài ngan tàm bơnơm dờng, brê kròng nàng Y Dang in ờ jòi gŏ. Jơh bal 2 nă rơ̆p lơh tơl nă cau dùl nơm broă, dilah lơh jơh bal dùl tŭ den geh bau, dilah ờ den pal ơm ngài sùm sùm. Jơnau yal yau kung mblàng bơh tài geh kòn cau Rơđê Bih, kòn cau Jrai tŭ do dê. Kung tàm jơnau yal yau do kòn cau Rơđê lài do mblàng bè lơi geh bơta blàn sa àng kơnhai.

VOV4.K'Ho- Jơnau yal yau “Kòn klau Bơtau Chờ hờp” bơh cau cih jơnau Oscar Wilde, lơgar Ireland là dùl jơnau yal bềng bơta ngoh rơngăc bè nùs nhơm kờñ gơboh kòn bơnus, bơta jàu phi mờ bơta kờñ gơboh đah kòn bơnus mờ kòn bơnus dê. Jơnau yal bè rùp Kòn klau Bơtau Chờ hờp- dùl pơrya bơh nùs nhơm dờng ơnàng, sùm jat sền mờ tam pà bal mờ ală cau rƀah, cau bòl glar kal ke tàm ƀòn dờng. Bal mờ sềm Bar bèt dềt, Kòn klau Bơtau neh jàu jơh ală bơta lơi he geh nàng cèng wơl bơta hờn chờ mờ chờ hờp ai ală cau ờ sô ờ soàn in.

VOV4.K’Ho- Tàm sàh Triệu Hải, kơnhoàl Dà Teh lài do, tŭ do là kơnhoàl Dà Huoai, càr Lâm Đồng geh ñrùh (liang) niam ngan mờ dờng jơnhoa ngan geh măt hòi jăt dà Mạ dê là ñrùh Dà K’La. Bơh tềng hơđang bồ bơnơm jơnhoa, bulah kàl mìu halà kàl prang, ñrùh dà kung gam geh dà gơhòr sùm sơl gùt nam. Bơh ù tiah brê bơnơm krơi is crih crài ngan do, kra ƀòn cau Mạ dê yal bè jơnau bơh tài mờ geh ñrùh Dà K’La niam bơnĕ ngan mờ ngoh rơngăc ngan.