Tâm rơh hop dja, Ủy ban Thường vụ Quốc hội mbra mĭn uănh tay, an nău rgop tâm âk trong nchrăp luật n’hanh nghị quyết.

Ta rơh hop dja, Ủy ban Thường vụ Quốc hội mĭn uănh, n’gluh an dŏng ăp trong nchrăp Nghị quyết kơt: Nghị quyết mpeh Bôk nău kan njêng pháp luật năm 2027; Nghị quyết quy định nău ăp nhih pah kan thanh tra dơi sŏk du gâl bah ăp rnoh prăk geh sŏk mplơ̆, ban saơ lôch hăn ôp uănh lôch rnôk ndơ̆ tâm ngân sách ngih dak gay prâk dŏng an nău kan n’hanh n’hao nău dơi kan bah nhih pah kan thanh tra; Nghị quyết quy định mpeh nău mât njrăng Thẩm phán. Mpeh pah kan groi nđôi, Ủy ban Thường vụ Quốc hội mbra ƀư an nău rgop mpeh mbơh pah kan năm 2026, nchrăp trong kơp nđăp prăk dŏng năm 2027 bah Kiểm toán ngih dak; mĭn uănh mbơh pah kan dân nguyện bah Quốc hội khay 8/2026. Mpeh n’glêh an ăp nkô̆ nău khlay, Ủy ban Thường vụ Quốc hội mbra an nău rgop mpeh Đề án rnoh tât kan gưl neh dak njrăng, n’gang nuĭh tih lvang năm 2026 -2030, uănh ngai tât năm 2035.