VOV.M’nông - Khay mih ta Tây Nguyên lĕ ntơm tât, dôl njêng geh âk nău jêr mpeh nău ngăch pah kan rdâk njêng ƀư ăp ngih nti nội trú 2 gưl nti tiêủ học n’hanh THCS ta n’har bri n’gor Gia Lai. Gay ma ntrôl ngăch nău kan ƀư ngih nti, 500 cán bộ, tahen bâh ăp mpôl kan lĕ geh tât kan kơl an ăp ntŭk kan, doh rklaih mpeh nuĭh kan, nsrôih ndơ̆ nău kan ta nău dŏng ta năp năm nti 2026-2027 ntơm lapw nti. PV Nguyễn Thảo geh nău nchih nkoch nău ngăn ta xã n’har bri Ia Puch, n’gor Gia Lai.

VOV.M’nông - Ta nklang nău rêh rgâl mhe ăp nar ta ƀon lan, hôm nha geh ăp nuĭh hôm nha geh mât rbăy nău ueh êng mpôl rnoi nơm đah nău rŏng n’hanh nău tâm rnglăp kan nâp nâl. Đah nghệ nhân K’Brèm ta xã Bảo Lâm 1, n’gor Lâm Đồng nău tâm pât k’Ho, Mạ hôm nha lah nău tâm pât nău mprơ, nău nteh chĭng gong ma hôm nha lah nău kahgĭt nău huêng khlăy nău ueh êng rnoi nơm.

VOV.M'nông - Nkoch tât ƀon Bàu Trúc ta xã Ninh Phước, n’gor Khánh Hoà bu way nkoch tât nău kan mon uk, đêt nuĭh gĭt ta aơ hôm geh 1 rnăk nha rŭ hôch mât ndray nău kan ơm yău nuĭh Chăm đŏng nê lah nău kan treh rup kông. Aơ kơt lah du ntŭk ngăn ngên ƀư jêng luh ndơ treh têl rup ndrang tâm ăp nău way bah nuĭh Chăm.

VOV.M'nông: Tâm êp ŭnh năk bah ngih jong rnoi Rđe, ăp nau Khan nkoch mpeh ăp nŭih janh dăng ma hôm pơk luh âk nau ueh ơm kăl e, nau yau ndrel nau rêh nuih n’hâm bah ăp rnoi Tây Nguyên. Rlet âk rơh, nau ơm yau lah sre nthoi nsum mpôl ma tu tơm, mât ăp nau nkah nsum ndrel ăp nau khlay jru. Ndơ aơ dôl geh n’gâng kan nsôih mât ndrel ƀư ueh gay rêng tay âk ntil tâm nau rêh ta Tây Nguyên.

VOV.M'nông - Nklang dor yôk Trường Sơn têh hvi, ntŭk ăp ƀon lan nuĭh Pa Cô rgum gŭ bah pŭng yôk n’hanh bah meng dak me, hôm mât ndray ăp nău way ơm uĕh êng đŏng bah nău way n’hanh nuih n’hâm nsum mpôl. Nê lah lễ hội A Riêu Âr Pục, du nău way ơm uĕh êng tâm ban kơt du “rơh phat dôih” nkra ăp nău tâm rkeh bah nuĭh Pa Cô bah âk năm aơ.

VOV.M'nông - Ta Bảo tàng Dak Lak ƀư du rut rêng kan ntĭm nti, rlong saơ đah nkô̆ “Khuh n’gôr khay rlu nti”. Nău kan dja nkhêp geh Nar kon se lam ntŭr neh 1/6 n’hanh rƀŏng tât Nar ntŭk gŭ rêh lam ntŭr neh 5/6, njêng ntŭk pâl an kon se nklang nkual Buôn Ma Thuột n’hanh ăp ntŭk kiău ma.

VOV.M’nông - Lôch n’glăp nsum, Dak Lak jêng n’gor geh ntŭk pâl nđaih dŭt têh hvi ntoch jong bah bri neh Tây Nguyên jŭr tât nkual duyên hải Nam Trung Bộ, ntoh lư mpeh cà phê, sầu riêng, rveh Bản Đôn, dak me hoch rlơ̆, neh guh bazan uĕh êng n’hanh ăp kuel dak lêng lhêt lhơt. Nău nthoi bri n’hanh dak lêng pơk luh âk nău mpŏng mpeh du bôk hun hao pâl nđaih mhe bah nkual, rgop ƀư jêng ngăn ngăn an hun hao bah n’gor. Yơn lah, bah kơi nău dơh geh nê, ăp kô̆ yơn kol khan n’hanh nău khoah mô dơi bah pâl nđaih bah n’gor nha hôm mpơl geh đŏng ƀư n’gâng kan wăng sa khlay dja geh ma nău tŭp tâm trong jê̆ rbăn ntoch jong. Nău wơl geh pâl nđaih em bri – chŏnh dak lêng bah Dak Lak mbra geh koh nsêk tă bah ntung trong mô uĕh, ƀư jêng n’gor “ngai nkah- dăch miăk”

VOV.M’nông - Ta nkual neh Tây Nguyên têh hvi, nău nteh chĭng gong bâh jŏ lĕ jêng ndơ nteh bên ndrel đah nău rêh nău mĭn bâh ƀon lan Ba Na. ăp nău tâm pât ueh hêr, rvên jên nĕ mô dơn nkoch nău rêh nău kan ma hôm nha geh âk nău ueh êng bâh lĕ du mpôl rnoi. Tâm njăr trong mât rbăy ăp nău ueh khlăy nĕ, bu gru Đinh Hdot ta ƀon Đăk Pơkao, xã Tơ Tung, n’gor Gia Lai geh âk nuĭh nkah tât kơt du hê nuĭh mât uănh kan jăp bâh ƀon lan. Bu gru Đinh Hdot lĕ geh âk năm nsrôih gay ma njêng n’hanh mât ăp rmôt tur chĭng, tâm pât. Đah nău rŏng têh đah nău ueh eneg mpôl rnoi, wa ntop mât rbăy nău ueh chĭng gong, nău tâm pât. Đah nău rŏng ueh bâh rnoi nơm, wa ntop mât rbăy nău ueh chĭng gong nău tâm pât n’hanh trĕ lam nău rhơn n’hao mpeh nău ueh êng Bana ta nklang nău rêh aƀaơ.

VOV.M'nông - Tâm ntŭk khuh n’gôr n’gloh lam chĭng gong nklang nkual ƀon têh yôk yang Pleiku, Gia Lai, ăp ndăch rvăch jôn rbăn, ndrănh yăng kah hâr n’hanh nău way ơm bah nuĭh Jarai hŏ rlai lăp nsum njêng păng rup văn hóa Tây Nguyên săk ntơr âk săk tơm. Nău chĭng gong “Kêng dŭt pơh – nklân djăt n’hanh rlong saơ” mô dơn nsĭt tât săk ntơr lễ hội uĕh êng ma hôm jêng ntung njŏ gay wăch rgum năch joi gĭt, nklân năl n’hanh ndrel mât ndray ntŭk văn hóa chĭng gong Tây Nguyên.

VOV.M'nông - Ta phường Buôn Ma Thuột, n’gor Dak Lak ƀư tâm nchră sŏk nău rgop mpeh Đề án hun hao pâl nđaih lvang năm 2026–2030, uănh ngai tât năm 2050.