VOV.M’nông - Lôch rnôk oh bê mhe deh geh ntơ săk, tâm rnôk bâh 1 tât 3 khay lôch deh, rnăk vâl ăp nuĭh ta Tây Nguyên way geh ƀư kuăl brah khôm tôr an oh bê. Aơ lah nău way gay ma njoăl nău ŭch rŏng, năui mĭn ueh tât ăp huêng brah, yău ye kơl an, mât uănh oh bê an ngăch dăng n’hanh mô kop ji.

VOV.M'nông- Ma ăp trong ƀư tâm di đah ngăn ngăn, đah nău mât răm n’hanh trêng nău nđơr bah ăp ƀon lan, nău nkoch mât ndray n’hanh ntik n’hao săk tơm văn hóa way ơm ta ăp ƀon lan ta Dak Lak dôl dơi nđơn tay, njêng ăp ntŭk chrat ang an păng rup mât ndray n’hanh ntik n’hao văn hóa ta ntŭk.   

VOV.M'nông- Tâm nar mprang êr n’hanh lhêt lhơt sial tâm ăp nar bôk năm 2026, rnôk yôk bri Tây Nguyên nsoh bah lơ săk he kho ao mhe ntơr uĕh, kônh wa nuĭh Xơ Đăng ta buôn H’ring (xã Cư M’gar, Đắk Lắk) hôm khuh n’gôr pơk nar ngêt sa têh. Aơ lah rnôk ƀư ôp brah nsĭt ba n’hao rhe – ntung njŏ huêng brah tât đah kon nuĭh – ntơm pơk ngăn, ndjôt nkre ăp rup uĕh văn hóa way ơm n’hanh rsang bok.

VOV.M'nông: Dŭt năm 2025 mhe rlau, nau ƀư tăm blang mprang ƀon bah rnoi Bunong geh Bộ Văn hoá-Thể thao ndrel pâl n’aih kơp dơn lah ndơ ơm yau bah neh dah. Rnôk aơ jêh rnôk ndơn bằng kơp dơn, kônh wa Bunong tâm xã Nâm Nung, n’gor Lâm Đồng hŏ ƀư nau ngêt sa “Tăm blang mprang ƀon’ ndrel ma nau ƀư tâm rlong thể thao ăp rnoi mpôl tâm xã Nâm Nung.

VOV.M'nông- Ta Liên hoan ăp câu lạc bộ chĭng gong n’gor Lâm Đồng mhe ƀư ta phường Đông Gia Nghĩa, ntŭk văn hóa chĭng gong, lễ hội way ơm, ndơ nsoh n’hanh ndơ ngêt sa rnoi mpôl đê̆ dơi mpư rnê, ring lam dăng. Ta aơ, ăp rnoh khlay săk ntơr văn hóa Bu Nong hŏ dơi mpơl kloh, tâm ban kơt ring lam trong nuĭh ƀon lan dôl mât ndray đŏng, nđơn trêng tay rlău ăp rơh kơn, rgop krêp dêh ƀon lan n’hanh rdâk tay nău n’hao êng săk văn hóa rnoi nuĭh.

VOV.M’nông - Ta nklang bri neh Tây Nguyên, Lâm Đồng mô dơn nkual neh mô dơn geh ueh mpeh trôk nar mih sial, nkual neh bri dak ueh rom măt uănh, ma hôm nha nău ueh êng mpeh văn hoá- ntŭk ma nău khlăy way ơm hôm nha geh mât rbăy, ndơn mât n’hanh rgâl jêng ăp nău ueh mpeh pâl nđaih kât jâng bu năch tât ta Lâm Đồng. Nău nchih “ndơ ueh khlăy Lâm Đồng bâh nău mât rbăy tât nău gĭt leo kan pâl nđaih mât bu năch”.

VOV.M'nông: Đại hội XIV bah Đảng năl geh âk nau rgâl mhe mpeh ntŭk ntu, nŭih kan, khoa học-công nghệ ndrel tâm rgop nkuăl, pơk luh nau dơi gay ntŭk kan pâl n’aih ntrơn dăng tă bah hun hao tĭng trong jru hvi, n’hao rnoh geh ndrel nau nâp nâl. Tâm nau tâm rgop Tây Nguyên-Nam Trung Bộ, n’gor Khánh Hoà geh mpŏng mra lŏ mât nau leo trong pơk nau nsôih rêng tâm lam nkuăl.

VOV.M'nông: Tâm dăch đah nau kan mĭn njêng, joi uănh ndrel ntĭm mbơh ndơ ơm yau rnoi Bunong, Nghệ nhân ưu tú Điểu Nơi tâm xã Tuy Đức, n’gor Lâm Đồng mô êng lah nŭih mât nau ơm yau ma hôm lah ntung njŏ leo nau mprơ, nau chĭng, ndơ goh nteh, nau tanh bah rnoi nơm nthoi bah ăp rơh. Ntơm bah nau geh ntĭm nti, chấm nau bu tâm rlong Tâm n’ur ăp rmôt chĭng gong, Nghệ nhân ưu tú Điểu Nơi njoăl nau rnơm tâm ăp rơh mom; ŭch nau ơm yau rnoi mpôl, tâm dăch ma tu tơm, rnơm tâm nau rđau kan bah Đảng, Ngih dak, gay mât ndơ ơm yau. Nar bôk năm mhe, jă kônh wa ndrel tâm nkoch bri đah nghệ nhân ưu tú Điểu Nơi:

VOV.M'nông-  Bol năl rnoh hun hao nkah uĕh mpeh rnoh âk năch n’hanh nsĭt geh tâm năm 2025, pâl nđaih n’gor Quảng Ngãi nha hôm ntoh âk kô̆ yơn kol khan mpeh ntŭk ntô ndơ dŏng, dăp rgum n’hanh săk uĕh rhŏ dŏng. Nău mô tŏng ntŭk ntô gŭ nde uĕh khlay, ƀư tĭng trong tât leh khay mpơl kloh n’hanh tơm ndơ ntuh kơl mpăng đêt dôl ndơ̆ luh nău ŭch geh lor bôk năp ân geh ăp trong nkra tâm di, ăp kôp, gay ndơ̆ pâl nđaih hun hao nâp dăng, tâm di đah săk geh n’hanh dơh uĕh ơm geh.

VOV.M'nông - Rơh Lôch năm Tết Nguyên đán Bình Ngọ 2026, n’gor Dak Lak mbra mô ƀư pănh pháo nkao. Ndơn tâm nĕ, âk nău ƀư văn hóa, nghệ thuật mbra dơi ƀư ndrel bah gưl n’gor tât bah dâng, jêng mông nar răm m’ak, gay nuĭh ƀon lan wơt Tết.