VOV.M'nông- Lôch 20 năm, pơk ƀoh nău ngơi Bu Nong hŏ jêng way bên đah ƀon lan Bu Nong. Ntơm bah ăp nău nkoch ta ƀon lan, ăp nău mpât mprơ, ot ndrong, nđơn yău an tât ăp nău lư ngăn ngăn tâm nău rêh, pơk ƀoh hŏ rgop ndu nău ngơi bah ƀon lan Bu Nong tât dăch lơn đah lam nuĭh. Bah kơi aơ, jă kônh wa n’hanh băl mpôl ndrel uănh tay du njăr trong njêng têl nkah bah nău ngơi Bu Nong – VOV Tây Nguyên, bah nău uănh lah bah wa Y Thịnh Ƀon Yôk Ju, Tă ƀư groi kruanh UBND n’gor Dak Nông (ơm), Nuĭh gŭ mĭn văn hoá, nău ngơi Bu Nong.

VOV.M'nông: Ta sân khấu Tượng đài "Cảm tử cho Tổ quốc quyết sinh" n'hanh trong Đinh Tiên Hoàng, Công an nkual ƀon têh Hà Nội tâm rgop đah Jay mprơ Kịch Hà Nội n'hanh Jay mprơ Ca múa nhạc Ngih dak Việt Nam ƀư bôk nău kan nghệ thuật chính luận "81 khay đăp mpăn".

VOV.M’nông - Bah ăp ndơ dŏng geh ơm kơt ŭnh long, sah, dak nông, ăp grăp mbô kro..., du ntŭk ntô ŭnh năk bah nuĭh Jarai dơi ƀư tay n’hanh jêng nău nkoch văn hóa ta du ntŭk dŭt êng-mạng xã hội. Bah ŭnh năk nĕ, yuh Ksor H’Liên, ta ƀon Ó, xă Ia Hrung, n’gor Gia Lai, lĕ nkoch ăp ndơ sa bên bah rnoi mpôl nơm tât đah âk nuĭh, n’hanh tă geh tay prăk bah ăp nău dŭt uĕh.

VOV.M'nông- Rgâl bah hôm nkoch bri dak rup uĕh măt uănh ma ăp trong kan nkoch trêng glêh nar, n’gor Gia Lai dôl sơch du trong nkoch mhe: gay rhôp rup geh ngăn ngăn n’hanh ăp măng nhạc hội têh leo nuĭh djăt uănh, năch pâl nđaih lăp tâm nău nkoch bah nkual neh. Ta nê, nuĭh ƀon lan jêng du gâl bah rlong uănh saơ, gay lôch ăp tơ̆ ƀư, rup gui Gia Lai dơi rêng lam tay ma ăp nuih n’hâm rhơn mƀak ma năch leo tât. 

VOV.M'nông -Tổng Bí thư, Kruanh dak Tô Lâm tât Canberra, ntrŭt ntrôl tâm boh Việt Nam- Australia -Kruanh rđău kan TP.HCM weh njăt Kruanh Quốc hội Lào -Dak Lak rgâl bah mât uănh rnoh âk geh play jêng rnoh khlay ntop n’hao tay n’gâng kan tuch tăm.

VOV.M'nông- Ndơ̆ văn hóa jêng tơm ndơ hun hao, njêng luh ăp ndơ geh ƀư n’hanh rhŏ dŏng geh rnoh khlay wăng sa lah ân dơi kruanh rđău kan n’gor Dak Lak ndơ̆ luh ta rơh hop tâl bar bah Ban rđău đă mpeh hun hao văn hóa n’gor mhe dơi ƀư. Aơ lah nău mpơl lor rloh rlău tâm rnôk uănh năl lôch jêh tĭng ƀư Nghị quyết mbrô 80 bah Bộ Chính trị mpeh hun hao văn hóa Việt Nam ta ntŭk.  

VOV.M’nông - Đah trong luh bah nău rêh mhe, âk nău khlay văn hóa way ơm dôl dâk bah năp nău roh rui. Ndrĭ yơn ta buôn Hai, xă Cư Mta, n’gor Dak Lak ăp nău ueh văn hóa bah nuĭh Êđê hôm dơi nuĭh ƀon lan mât ndrăy n’hanh ntĭm tay tă bah âk rơh. Bah nteh chĭng, ăp nău ƀư way ơm tât nău wât mât ndrăy nău ueh tâm ăp rnăk wâl lĕ rgop ƀư jêng nău rêh nâp nâl bah văn hóa rnoi mpôl đêt ta aơ.

VOV.M'nông- Ăp jrô trêng nti chĭng gong ta Dak Lak mô dơn rgop rdâk tay nuih n’hâm dêh rŏng văn hóa way ơm tâm rơh kơn druh ndăm ma hôm lah trong n’gor ƀư jêng ngăn ngăn Nghị quyết 80 bah Trung ương. Rnôk trong kơl lăp tâm ƀon lan, drăp ndơ ơm yău ntlơi an tay mô dơn mât ndray ma hôm dơi nđơn trêng tay tâm nău rêh nsum mpôl.

VOV.M'nông- Ndrel rlai lăp nsum tâm mông nar khuh n’gôr bah Năm Pâl nđaih gưl neh dak Gia Lai 2026, ntơm bah nar 7 tât 9 khay 8, UBND xã Phú Túc, n’gor Gia Lai ƀư Nar rgum Văn hóa – Thể thao ăp rnoi mpôl đê̆ lor bôk năp nkre đah Hội chợ Ndơ tuch tăm OCOP. Rêng kan âk mpưm, khuh n’gor, uĕh reh, mpơl nău rêh văn hóa âk ntil bah ƀon lan ăp rnoi nuĭh ta aơ.

VOV.M'nông- Lor bôk năp phường Buôn Ma Thuột, n’gor Dak Lak nkre trêng nti văn hóa way ơm đah ntĭm nti nău blău ƀư pâl nđaih ta ƀon lan, rƀŏng tât rdâk njêng mpôl kan druh mom nkre mât ndray săk tơm văn hóa Rđe, nkre râng hun hao pâl nđaih nsum mpôl.