VOV4.M'NÔNG- Ăp rnôk năm mhe tât, yôk bri Nà Hẩu ƀhit suan rêh, lah rnôk kônh wa rnoi Mông ta xã Nà Hẩu, nkuâl Văn Yên, n’gor Yên Bái ƀư ôp brah bri hôm kuăl lah “Tết bri Nà Hẩu”. Nău ôp brah dja nkre gay nkah gĭt tu tơm, nkah gĭt brah bri, nkre gay mât ndray rup uĕh văn hóa way ơm mha êng bah ƀon  lan rnoi mpôl đê̆ ta aơ.          

VOV4.M’nông - Ôi 6/2 (jêng nar 9 khay ngoăy năm Ất Tỵ), ta nkual drăp ndơ Hoàng Thành Thăng Long-Hà Nội, Ntŭk Mât rƀăy drăp ndơ yău Thăng Long-Hà Nội tâm rgop đah Rmôt drăp ndơ yău Văn hóa Thăng Long-Hà Nội ƀư mpoh su nhang, ntơm ƀư yan khay puh nkah gĭt ăp nuĭh hăn lor, ăp nuĭh gĭt blău geh soan đah neh dak.

VOV4.M’nông – Ôi 6/2, n’gor Dak Lak lĕ ƀư mâp măt bôk năm đah rmôt gĭt blău, văn nghệ sĩ n’hanh báo chí dôl pah kan ta ntŭk; djôt dơn ăp nău rgop khlay bah ăp nuĭh gĭt blău tâm nău hun hao bah n’gor.

VOV4.M'NÔNG- Nar ntri (5/2), jêng lah nar 8 khay ngoăy âm lịch, ƀon lan nuĭh Mường ta xã Hòa Thắng, nkual ƀon têh Buôn Ma Thuột, n’gor Dak Lak ndrel rgum ta đình Lạc Sơn, xã Hòa Thắng gay ntơm ƀư lễ khai hạ (hôm kuăl lah lễ njŭr tơm njuh).

VOV4.M'nông:Đah nuih n’hâm vơt năm Tỵ ndrel âk nau ueh, rmôt hoạ cí G39 leo tât 80 rup ueh đah nkô̆ “Tết Tỵ 2025” tâm Bảo tàng Mỹ thuật Việt Nam. Ŭch rgâl nau uănh bah ƀon lan mpeh rup bih, ăp hoạ sĩ dŏng âk nau blau gay vẽ ruơ bih mhe, nkah âk nau lap tâm năm mhe.

VOV4.M’nông - Ăp nar dŭt năm 2024 mhe rlău, lam ăp ƀon lan nkual prêh A Lưới, n’gor Thừa Thiên Huế, kônh wa ƀon lan ăp rnoi nuĭh Pa Kô, Tà Ôi răm m’ak ƀư lễ hội Aza. Lễ hội Aza lah nar Tết way ơm uĕh tam, geh nkô̆ dŭt n’hâm khlay tâm nău rêh huêng phan bah nuĭh nkual prêh A Lưới.

VOV4.Mnông: Ăp rnôk rơh năm mhe tât, kônh wa nuĭh Xê Đăng ta ƀon Kon Hring, xă Ea H’Đing, nkuăl Cư M’gar, n’gor Dak Lak ƀư du lễ hội m’ha êng-Ƀư brah sa piăng ba mhe. Aơ mô knŭng lah di an nsum mpôl lah uĕh brah huêng lĕ an du yan săk plăy lăy mbôn, ma hôm di an boăt nthoi nău tâm rnglăp ta ưbah ăp dông piăng răm m’ak, geh âk ndơ ƀô kah way ơm.

VOV4.M'nông: Njêng nau kan ân kônh wa mât nau tanh njuh, bu mom H’Bình tâm ƀon N’jriêng, xã Dak Nia, nkuăl ƀon têh Gia Nghĩa, n’gor Dak Nông ndrel ăp nŭih ƀư tâm boh tanh njuh Dak Nông dôl nsôih ƀư nau ŭch leo tanh njuh hăn ngai, rgop nau ƀư nau ueh ơm bah ăp rnoi Tây Nguyên. Nau ƀư aơ mô êng nau pă kan pah ma hôm rgop nau mât nau ơm ân rnoi mpôl tâm rnôk njêng ƀon lan mhe. Di rnôk bôk năm mhe, phóng viên Radio Việt Nam geh nau tâm nchră ma bu ranh H’Bình mpeh nau nsôih mât nau tanh njuh.

VOV4.M’nông - Gŭ ta n’gul ăp njok yôk têh bah nkuăl Kbang (Gia Lai), ƀon Mơhra Đáp, xă kông Lơng Khơng dôl ntơm mĭn lah ntŭk tât uĕh đah ntrong ƀư pâl nđaih nsum mpôl dŭt uĕh. Ndrel đah nău ƀư ăp lễ hội, ntrŭt đă nuĭh ƀon lan mât nău way ơm, ƀon Mơhra - Đáp lĕ jêng ntŭk tât pâl nđaih ntoh lư, wăch rgum năch pâl nđaih.

VOV4.Mnông:Mom ndăm tât râng mât rbăy, n’hao nău way ueh ơm ăp mpôl rnoi Việt Nam lvang năm 2024-2029 lah ngoăy tâm 2 bôk nău kan bâh Hội Liên hiệp thanh niên Việt Nam ngluh mbơh tâm năm kan tal 9.