Bôk nău kan ntĭm nti gâr bar - gong pe - chĭng năm lah nău ƀư tâm trôm Bôk nău rgop an tâm nchră mbrô 6 Bôk nău kan gưl neh dak hun hao wăng sa - rêh jêng kon nuĭh nkual rnoi mpôl đê̆ n'hanh mpeh yôk yang đah "Mât ndray, ntêk n'hao rnoh khlay văn hóa way ơm uĕh lăng bah ăp rnoi mpôl đê̆ nkre đah hun hao pâl nđaih" tă bah N'gâng kan Văn hóa, Thể thao n'hanh Pâl nđaih Dak Lak ƀư.

Tâm rlău 2 khay nti, ăp kon se nti Ngih sam ƀŭt Phổ thông dân tộc Bán trú Đinh Núp, xă Phú Mỡ n'hanh ăp druh ndăm xă Xuân Lãnh dơi ăp nghệ nhân trêng nti nău tŭr chĭng goh gong, gong pe, chĭng năm jăp blău; ƀư ăp nău njroh xoang nkre đah tĭng nău chĭng, nău chĭng. Yơ Nguyễn Thụy Phương Hiếu, Groi Giám đốc N'gâng kan Văn hóa, Thể thao n'hanh Pâl nđaih n'gor Dak Lak an gĭt, tă bah mông nar dơi ăp nghệ nhân trêng nti nău blău tŭr goh gong lŭ, gong pe, chĭng năm, ăp kon se gĭt blău nău tŭr goh dŭt ngăch, dŭt ŭch nti n'hanh dơi tŭr goh uĕh ăp nău chĭng gong nkre đah ăp lễ hội way ơm bah rnoi nuĭh he. Lôch jrô nti aơ, ăp kon se dơi ntĭm nti tay, tiăr nti gay jêng ăp nuĭh tơm ntĭt leo lor mât ndray ăp rnoh khlay văn hóa way ơm uĕh lăng bah rnoi nuĭh he. "Ăp mon lĕ geh nău rgâl dŭt âk. Knơm dơi ăp nghệ nhân trêng nti, ăp oh lĕ bôk năp gĭt blău n'hanh mpơl dŭt uĕh ăp nău chĭng tâm ban kơt ăp nău njroh xoang đŏng. Aơ lah njuat hăn bôk năp dơh soih. N’gâng kan ŭch mpŏng ngih sam ƀŭt mbra ntêk n'hao tay rmôt kon hŏk aơ jêng du rmôt tơm gay ntêk n'hao tâm let năp tay. Tă bah nê, ăp oh mbra geh âk nău dơi râng ăp rơh tâm rlong, tâm nđŭr mô dơn tâm ƀon lan ma hôm ta ăp ngih sam ƀŭt dân tộc nội trú n'hanh ăp ngih sam ƀŭt ta n'gor gay tâm nđŭr, kơt nti, rgop mât ndray văn hóa bah rnoi nuĭh he."

Nău njroh mprơ Gâr 2 - gong 3 - Chĭng prăm lah nău tâm rnglăp bah pe ntil ndơ uh goh lah Gâr 2 - gong 3 - Chĭng prăm tâm nău nteh, n'hanh nău ngơi săk ntơr gay njêng luh du nău njroh mprơ dŭt uĕh. Nău nteh bah Gâr 2 - gong 3 - Chĭng prăm geh âk nău nteh êng êng, geh ăp rnoh khlay kon nuĭh dŭt jru hvi. Yor geh nkô̆ hôr khlay nê jêng năm 2015, Nău njroh mprơ Gâr 2 - gong 3 - Chĭng prăm dơi N'gâng kan Văn hóa, Thể thao n'hanh Pâl nđaih kơp dơn lah drăp ndơ ơm yău n’glơi an văn hóa mô mpơl săk gưl neh dak. Nău ƀư lễ hội tâm rnôk bôk năm mhe mô knŭng lah nău ƀư văn hóa nsum mpôl ma hôm lah nău kan ngăn ngăn mât ndray n'hanh mpư n'hao rnoh khlay drăp ndơ ơm yău n’glơi an tay văn hoá. Wa La Văn Hãng, Kruanh Jrô kan Văn hóa xã Xuân Lãnh, n'gor Dak Lak an gĭt: "Ntơm bah năm 2016 tât aƀaơ ta ntŭk mât ƀư lễ hội aơ gay mât ndray n'hanh ntêk n'hao săk tơm văn hóa ƀon lan ăp rnoi mpôl đê̆ ta Xí Thoại lah êng n'hanh Xuân Lãnh lah nsum. Mpôl hên nsrôih bôl ntŭk ntô jêh rnôk n'glăp nsum ƀư n'gâng kan ta ntŭk bar gưl bôl geh jêr jŏt đŏng mpôl hên hôm mât ƀư gay nta trong dơh an ƀon lan ăp rnoi mpôl đê̆ tâm nđŭr kơt nti nsum n'hanh mât ndray, ntêk n'hao săk tơm văn hóa bah rnoi nuĭh he".

 Gâr bar, gong pe, chĭng prăm lah nău uĕh văn hóa săk ntơr bah ƀon lan Bahnar n'hanh Chăm, dơi mât ndray n'hanh trêng nti tay bah âk rơh kơn. Bah ăp lễ hội nsum mpôl tât jrô nti nar aơ, nău nteh chĭng, nău nteh gâr, nău nteh chĭng hôm n'gloh nteh, boăt nthoi rơh druh ndăm đah nău way ơm bah rnoi nuĭh he. Nău kan dơi kan bah n'gor Dak Lak ƀư trêng nti an ăp kon se nti mô dơn rgop mât ndray du drăp ndơ văn hóa uĕh, ma hôm njêng tay ăp tơm nuĭh druh ndăm gay nău uĕh nê dơi mât ndray, ntêk n'hao n'hanh rêng lam tâm nău rêh nar aơ.