Dak Lak rnôk aơ geh âk ndơ tuch tăm tơm râng ntŭk tăch luh, tâm nê cà phê, sầu riêng, tiêu lah ăp ntil ndơ geh rnoh khlay. Năm 2025, rnoh geh tăch luh bah nkuăl geh bơi tât 2.8 rmen USD; êng cà phê ndrel sầu riêng rgop rlau 1 rmen USD. Dak Lak dôl ndơ̆ luh nău ŭch nar lơn ma âk mpeh uĕh kah, đăp mpăn ndơ ngêt sa, joi tu tơm n'hanh tâm di nkual tăm gay mât n'hanh pơk hvi ăp ntŭk tăch n'gluh. Dak Lak nsrôih rlău 90% ntŭk ƀư njêng, nkret njêng, tăch rgâl ndơ tuch tăm dơi an sam ƀŭt kơp dơn tŏng di rnoh mô lah ăp sam ƀŭt kơp dơn lam ntŭr neh mpeh đăp mpăn ndơ ngêt sa; lĕ rngôch ntŭk ƀư jêt chrai ký ton tĭng jăp nău ntrŭnh. Dôl uănh, 100% nkual tăm, ntŭk tâl dŭng rhŏ an tăch n'gluh dơi an sam ƀŭt mbrô, ƀa ƀơ groi nđôi n'hanh 100% ndơ tăch n'gluh tĭng ƀư joi tu tơm tĭng nău đă bah ntŭk rvăt n'glăp.