Jêh rnôk Ƀư wơt ngăn, Thủ tướng Lê Minh Hưng n'hanh Thủ tướng Xạ-lởm-xay Côm-ma-xít hŏ ƀư tâm nchră. Bar Thủ tướng mbơh gĭt nsum mpeh nu nău ăp dak, trong rƀŏng, nău rƀŏng hun hao tâm let năp tay n'hanh ăp tơm khlay an tĭng ƀư nghị quyết Đại hội Đảng bah ăp dak. Bar Thủ tướng mpơl nău rhơn ta năp ăp njoat hun hao uĕh n'hanh lĕ rngôch bah tâm boh bar ding tâm bah ri aơ đaơ; nchrŏng năl tay tâm boh mha êng Việt Nam - Lào lah an lor dŭt âk tâm trong kan tâm boh dak bah dih bah ăp dak. Mpeh wăng sa, bar ding uănh lah tâm boh ntuh kơl hôm lah ntŭk ang tâm boh bar ding.

Việt Nam aƀaơ geh bơi 300 trong nchrăp ntuh kơl ta Lào đah lĕ rngôch tơm prăk dăn ƀư 7 rmen đôlar. Bar ding tâm ban ŭch an ƀư tay nău nsrôih njêng nău mhe, n'hao nău tâm rgop n'hanh boăt nthoi đah bar jâng wăng sa; tâm rgop rdâk njêng trong nchrăp n'hanh ăp rnoh an lor na nê̆ gay ndơ̆ geh prăk tăch rgâl bar ding tât 5 rmen đôlar. Nkhêp geh rnôk aơ, Thủ tướng Chính phủ Lê Minh Hưng mbơh Việt Nam mbra ndâk ƀư an ƀon lan Lào bar ngih sam ƀŭt, đah lĕ rngôch rnoh khlay 2 rkeh đôlar. Lôch rnôk tâm nchră, bar Thủ tướng lĕ uănh saơ ƀư pă an 11 sam ƀŭt tâm boh ta ăp trong kan rnă njrăng, tư pháp, prăk kaih, ŭnh nar, ntĭm nti n'hanh ntĭm nti, rnoi nuĭh, chroh rƀŭn n'hanh tâm boh đah ăp ntŭk bar dak; ndrel râng Ƀư ntơm ƀư nău nchrăp ƀư Ngih sam ƀŭt Đại học hữu nghị Lào - Việt./.