Tâm rơh pah kan, bar ding hŏ tâm ôp mpeh nău hun hao tâm boh têh jong lam lĕ rngôch đah Việt Nam n'hanh Liên bang Nga tâm nô nău trong rƀŏng tâm boh đăp mpăn, ƀư tơm êng bah Việt Nam; tâm nchră mpeh ăp trong kan tâm boh khlay n'hanh săk geh tâm let năp tay. Ăp ntoh măt kŏ tâm nchră mpeh nau dơi tâm nthoi nau dăng bah Nga tâm ăp nau kan công nghệ prêh; tâm nchră mpeh moh nau kan mpeh nau ntĭm nti nŭih kan ndrel mĭn njêng nsum gay đăp mpăn nau tâm boh aơ hun hao nâp nâl ndrel săk tam tâm jŏ jong. Đồng chí Nguyễn Thanh Nghị ŭch ăp nŭih bah Rmôt cán bộ, rđau kan liên bang Nga tâm nau kan bah nơm mra jêng ntung njŏ ân nau tâm boh bar dak, kơl an nau tâm boh vay ơm Việt Nam - Liên bang Nga nar lơn hun hao ueh, nâp nâl yor nau hơm răm ndrel nâp nâl bah lam bar dak.