Aơ lah rơh rƀŭn n’glêh dŭt nchrăp an rơh rƀŭn tal 2, Quốc hội khóa 16, nchrăp mbơh an 38 luật n’hanh âk nghị quyết khlay, tâm nĕ geh nklăp 7 nghị quyết quy phạm pháp luật. Kruanh Quốc hội Trần Thanh Mẫn đă ăp ngih pah kan nchih rgum, uănh năl tay rgâl mhe nău mĭn, trong ƀư, n’hao ueh nâp ăp nkô̆ nău mbơh an Quốc hội; rgum ƀư kloh ăp nău tơm khlay, geh ueh nâp, di na nê̆ n’hanh đă hun hao bôk năp.

Tâm nĕ, nău nchrăp ƀư luật neh ntu (nkra rgâl) n’hanh Luật Ban hành văn bản quy phạm pháp luật geh nkô̆ nău tơm khlay. Kruanh Quốc hội lah rjăp, Luật neh ntu geh tât lĕ rngôch jâng wăng sa n’hanh nău rêh nuĭh ƀon lan, dơi âk nuĭh ƀon lan, doanh nghiệp uănh tât, yor nê an ƀư rjăp, na nê̆. Ủy ban Thường vụ Quốc hội an rgop mpeh nău nchrăp ƀư Luật Neh ntu (nkra rgâl), tâm nĕ uănh khlay trong ƀư gĭt tât, dŏng neh n’hanh uănh lah rnoh neh tĭng trong mbơh kloh, rah wah, di nău geh đah Ngih dak, nuĭh dŏng neh n’hanh nuĭh ntuh kơl.