Tổng Bí thư, Kruanh dak lah rjăp, pah kan nău mĭn an ntơm bah nău ngăn, tâm nê nău mbơh mpeh nău rêh jêng kon nuĭh ân tât ntŭk geh nău dơi n'glêh an n'hanh ntrŭt ntrôl nkra nkô̆ nău. Ân njêng trong ƀư bah nău djăt, ôp uănh, nchroh mbơh, njuăl di ngih pah kan tât nkra, ơh nău n'hanh ôp uănh nău dơi; mbơh nău mĭn, nău rƀŏng lam rêh jêng kon nuĭh ân hăn dơi tâm rnôk n'glêh an. Tổng Bí thư, Kruanh dak đă ndơ̆ nău djăt n'hanh rblang tâm lĕ rngôch rnôk ndâk njêng, n'gluh an dŏng n'hanh tĭng ƀư trong kơl; nkoch trêng trong kơl ân nsing tâm nău ngăn, nău mbơh di, mbơh kloh rvah lĕ nău dơh, jêr jŏt n'hanh nău tât khuch. Ntŭk kan ndâk njêng nău kan an geh dơn nău kan mpeh nău ueh nău kan, leo kan ƀư tĭng, nkre lah leo kan mbơh tơih, mbơh rblang n'hanh dơn nău tâm rgop. Tổng Bí thư, kruanh dak kŏ đă ăp ntŭk kan báo chí tơm n'hao nău dơi mĭn uănh, mbơh rblang, saơ nău kan n'hanh n'hao nău gĭt tât đah ƀon lan, ngăn lah mom ndăm.