VOV.M'nông- Kêng dŭt khay 9 bôk khay 10, xã Phú Thiện, n’gor Gia Lai ƀư 3 măng chĭng gong kêng dŭt pơh mbro ta ăp ƀon Kte, Rbai, Amil n’hanh thôn Phú Thiện. Ntơm bah ăp jrô trêng nti chĭng gong tât ăp măng nchreng an uănh ta jay rot lah ntŭk gay ăp rơh kơn nuĭh Jarai ndrel tĭng ƀư, nđơn trêng tay drăp ndơ ơm yău ntlơi an tay. Rêng kan mô dơn gay sơch ăp bu hăr blău ntoh lư râng Festival chĭng gong Gia Lai 2026 ma hôm rgop mât ndray ntŭk tŭr goh chĭng gong Tây Nguyên – drăp ndơ ơm yău văn hóa mô mpơl săk bah ntil kon nuĭh.