VOV.M'nông- Tâm rnôk hăn khâl ngăn Trung Quốc, kêng măng 12/10, ta Bắc Kinh, Kruanh Quốc hội Trần Thanh Mẫn hŏ rgum nchră đah wa Triệu Lạc Tế, Ủy viên trưởng Nhân đại lam dak n’hanh ndrel ƀư tơm Rơh hop tâl bar Ủy ban tâm boh đah Quốc hội Việt Nam n’hanh Nhân đại lam dak Trung Quốc.

VOV.M'nông- Nkhêp geh nar doanh nhân Việt Nam (13/10), Tổng Bí thư, Kruanh dak Tô Lâm ƀư tơm rơh mâp măt doanh nghiệp ntoh lư.

VOV.M'nông- Gay rgop tĭng ƀư rnoh tât hun hao wăng sa bar mbrô, n’gor Dak Lak dôl n’gluh ngăch tơm prăk ODA, nkre lor nchrăp rgŏ jă tơm prăk manh thuk dak bah dih, nkre đah ăp tơm ndơ ntuh kơl an ntŭk ntô ndơ dŏng khlay, njêng tay suan ntrôl hun hao.

VOV.M'nông - Ôi ntri (12/10), ta Phú Phọ, Đảng ủy, Bộ Tư lệnh Quân khu 2 khuh n’gôr ƀư Nar nkah ndray 80 năm Nar way ơm Mpôl tahen Quân khu 2 (19/10) n’hanh wơt dơn săk ntơ Anh hùng Lực lượng vũ trang Nhân dân.

VOV.M'nông- Mât bri, rêh nơm geh bri n’hanh bri nar lơn ma nđĭr uĕh nơm geh tơm ndơ trok tâm prăk săm mât njrăng bri mbro – nê lah nău nkoch ngăn geh ta n’gor Lâm Đồng lôch rlău 15 năm an ƀư mbro. Đah tơm prăk ntơm bah 450 tât 500 rmen prăk ăp năm ƀoh lam rlău 700.000 ha bri, Lâm Đồng hŏ n’hanh dôl njêng jâng nsing nâp gay pah kan mât njrăng n’hanh hun hao bri nar lơn ma ngăn ngăn, jŏ jong lơn.

VOV.M’nông - Nar nđaơ (11/10), Kruanh Quốc hội Trần Thanh Mẫn n'hanh Mpôl đại biểu gưl prêh Việt Nam hŏ tât Thủ đô Bắc Kinh, ntơm hăn khâl ngăn Trung Quốc n'hanh ndrel ƀư tơm Rơh rƀŭn tâl bar Ủy ban tâm boh đah Quốc hội Việt Nam n'hanh Nhân đại lam dak (Quốc hội) Trung Quốc.

VOV.M'nông - Ƀư tĭng Nghị quyết 57 bah Bộ Chính trị, Dak Lak ntrôl dăng ntĭm nti nău gĭt blău mrô, ndơ̆ nău rhŏ mrô tât dăch nuĭh ƀon lan, lơn lah ta ăp nkual ƀon lan rnoi mpôl đê̆, nkual jru, nkual ngai nkual jêr jŏt. Bah ăp nău ƀĭt joet ta điện thoại thông minh, công dân mrô dôl mbrơi jêng tâm nău rêh ăp nar bah ăp nuĭh ƀon lan.

VOV.M'nông: Mpôl đại biểu Quốc hội n'gor Dak Lak ƀư mâp nuĭh ƀon lan ta ăp ntŭk bah năp Rơh hop tâl 2, Quốc hội khóa XVI.

VOV.M'nông: Ta Hà Nội, Thành uỷ, Hội đồng nhân dân, Uỷ ban nhân dân, Uỷ ban MTTQ nkual ƀon têh Hà Nội khuh ngôr ƀư Lễ nkah ndray 80 năm Nar way ơm mpôl tahen Thủ đô n'hanh wơt dơn săk ntơ Anh hùng lực lượng vũ trang Nhân dân rơh rgâl mhe.

VOV.M’nông - Ta n'gor Lâm Đồng, ăp ngih nti đại học, viện gŭ mĭn geh âk nău dơi khoa học, công nghệ, yơn mô đêt ndơ hôm mô hŏ dơi tât doanh nghiệp n'hanh ntŭk tăch rgâl. Tĭng ƀư Nghị quyết 57 bah Bộ Chính trị mpeh hun hao khoa học, công nghệ, rgâl blău ƀư mhe n'hanh rgâl mrô, Lâm Đồng dôl rgâl bah trong ƀư êng du hê jêng nkra ăp "nău mkra têh", nkre gŭ mĭn đah nău ŭch geh ngăn n'hanh tăch rgâl ndơ geh ƀư, tă bah tâm rgop Ngih dak - Ngih sam ƀŭt - Doanh nghiệp.