VOV.M'nông: Thiếu tá Lại Văn Đạt, cán bộ Tổ An ninh, Công an xã Phú Thiện, n'gor Gia Lai dôl dơi rêng lam dăng ta ntŭk mạng đah trong ƀư "Công an sĭt ƀon lan". Păng hŏ nti êng nău ngơi Jarai tâm rnôk hăn pah kan tâm ƀon, mâp đah kônh wa, nkoch trêng trong nchrăp ntrong kan  bah Đảng n'hanh Ngih dak, nkre geh ăp nklâm ndơ khlay an kon se nti jêr jŏt nchrăp lăp năm nti mhe.

VOV.M'nông: Di rơh Quốc khánh 2/9, ƀon lan ăp mpôl rnoi đê̆ ta Tây Nguyên geh rơh gĭt saơ na nê̆ lơn mpeh nău rêh nar lơ hao, nău tâm rnglăp ntŭk gŭ rêh nâp nâl, nsing nơm tâm nău rđău kan bah Đảng n'hanh Ngih dak.

VOV.M’nông - 81 năm jêh Cách mạng Khay 8 n’hanh Quốc khánh 2/9, nău khlay bah đăp mpăn, dah rŏng, đăp mpăn soan dăng nuih n’hâm gay ăp rơh nuĭh Việt Nam ndâk njêng tay n’hanh mât njrăng neh dak. Ta Dak Lak, nuih n’hâm nĕ dôl nthoi tay đah nău kan n’hanh mpŏng ŭch nsơr soan bah rơh druh ndăm.

VOV.M'nông: Nar aơ, lam ăp nkuăl bah neh dak geh yông măng êr cờ chăng, lam rnoi mpôl Việt Nam ndrel rhơn vơt nar Tết đăp mpăn-nkah 81 năm Cách mạng khay 8 ndrel Quốc khánh dak Cộng hoà xã hội chủ nghĩa Việt Nam (2/9/1945-2/9/2026). Phung he ndrel nkah tay nau ueh ang tâm nau rêh jêng bah rnoi mpôl: Ntơm bah du dak geh dak ba dih in pit, tâm nâm n’gâng cờ bah Đảng Cộng sản Việt Nam, lam rnoi mpôl ndrel dâk, ƀư n’glưh n’gâng kan bah phung rlăng, ndâk njêng ngih dak Việt Nam đăp mpăn, ngih dak bah ƀon lan, yor ƀon lan ndrel kơl an ƀon lan.

VOV.M'nông: 81 năm lĕ rlău, yơn ăp nar Khay pham năm 1945 n'hanh rnôk lịch sử 2/9 hôm e lah ăp ntŭk ntô mô dơi chuêl tâm trong rdâk njêng neh dak n'hanh mât njrăng neh dak bah rnoi nuĭh Việt Nam .

VOV.M'nông- N’gor Dak Lak an ƀư trong kan 30 nar măng” ra uănh tay, keh mbrô, nchrăp di, rƀah gĭt n’hanh buăt nthoi mât prăp nău lư mã mbrô nkual tăm, ntŭk nklâm tâl sầu riêng. Aơ mô dơn lah trong nkra droh rklaih ăp kô̆ yơn ta năp măt tâm rêng ƀoi tơm luh, ma hôm lah njuat hăn rgâl bah trong mât siƀŭt kan way ơm jêng tât mât bôk kan uĕh mhe nsing ta ntŭk mât prăp nău lư, rgop jêng ngăn ngăn nuih n’hâm Nghị quyết 57 bah Bộ Chính trị mpeh đăt ndal hun hao khoa học, công nghệ, rgâl blău ƀư mhe n’hanh rgâl mbrô gưl neh dak.

VOV.M'nông- Ăp nar dja, lam dak khuh n’gôr nkah ndray 81 năm Nar Quốc khánh 2/9. N’hao êng săk jâng ntơm chrat ang lịch sử rnoi nuĭh, ăp nuĭh Tây Nguyên hôm bêng ler nău rngot rhơn huêng khlay, nkah Wa Hồ - kruanh têh kuâng dêh rŏng hŏ rŏ bản Tuyên ngôn độc lập, njêng luh dak Việt Nam Dân chủ Cộng hòa, aƀaơ lah dak Cộng hòa xã hội chủ nghĩa Việt Nam. Nkah Wa Bác Hồ, nuĭh Tây Nguyên lơn ma tâm rnglăp, mbrôn suan rdâk njêng ƀon lan nar lơn ma rgâl mhe, uĕh ndrŏng:

VOV.M'nông: Tâm n’gor Gia Lai, ntĭm nti ndrel ƀư tĭng nau mĭn, nau kan, nau rêh Hồ Chí Minh dôl geh ƀư n’hêl đah ăp nau kan êp ma ƀon lan, yor ƀon lan. Ntơm bah nau kan aơ, âk nau ntrŭnh, ntrong kan geh ntrŭnh ƀư ân tâm ban ma nau ngăn, njêng nau tâm ban tâm ƀon lan, rgop nau ntrŭt dăng văng sa-rêh jêng tâm nkuăl hun hao. Jêh aơ lah nau ngăn tâm xã Ia Hiao, ntŭk geh cán bộ, đảng viên mra pă ân neh, rưih n’gar, pơk nau tâm ban, ndâk n’hâm ƀon lan gay hun hao.

VOV.M’nông - Khay 8 năm 1945, rlău 20 rkeh ƀon lan lam dak lĕ du nuih n’hâm dâk, ƀư jêng dơi geh bah Cách mạng 8, mbơh luh dak Viêtj Nam Dân chủ Cộng hoà. 81 năm bah năp, nuih n’hâm nĕ mô rlu dơi nthoi tay: bah sŏk n’gâng kan tât ndâk njêng tay n’gâng kan ƀon lan, bah rklaih đăp mpăn rnoi nuĭh tât rdâk njêng soan ƀư mhe, ndâk njêng Việt Nam têh dăng, ueh lăng. Lah năm 1945, “khởi nghiã” lah dâk sŏk đăp mpăn, ri nar aơ, nĕ lah nuih n’hâm rgâl mhe, janh jut jăng mpêr n’gang, ndơ̆ neh dak hăn lăp rach năm mhe.

VOV.M'nông- Ta ăp nkual jru, nkual ngai, nkual rnoi mpôl đê̆, n’har bri bah n’gor Dak Lak, pah kan nchrăp an năm nti mhe mô dơn lah nkra tay jrô nti nhih nti, ma hôm lah njăr trong hăn njŭn leo tĭng kon se nti tât nhih nti n’hanh kân tay jâng kon se gŭ tay ta nhih nti jrô nti. Đah ăp rnăk hôm âk jêr jŏt, nău ndrel hăn bah nai ntĭm geh rnôk ntơm bah ăp nău kan ngăn dơm kơt siƀŭt, mâng nchih tât ndơ rsong hăn.