Kêng măng 3/11, Groi Kruanh UBND n’gor Dak Lak Đào Mỹ mêt uănh, pah kan đah ăp rmôt kan, nkuăl gay doh rklaih ăp nau jêr, ntrŭt dăng ngăch nau ƀư bah 6 bôk nau kan dôl mbrơi tâm mpeh ba lơ bah n’gor. Tâm nê, bar bôk nau kan tâm trong Phạm Văn Đồng, Phường Sông Cầu hŏ ntoch jŏ rlau 4 năm, rnoh ƀư nau kan knŭng geh ƀư mhe geh 30%. Pe bôk nau kan tâm ntŭk ntu ƀon lan tâm Đồng Bàu Neo, Thôn 3 ndrel Hoà Lợi hôm nkol, rnohj ƀư ngăch nau kan geh nklăp 23%, 3% ndrel 15%.

Bôk nau kan nkra mhe, pơk hvi trong ĐH.31 kŏ mbrơi ƀư, rnoh nau kan ê nkra gung trong geh 45%. Rđau đă tâm nar pah kan, Groi Kruanh UBND n’gor Đào Mỹ đă ăp nkuăl nsôih ntrơn leo lơi ntŭk ntu gay ƀư nau kan, ăp tơm ntuh kơl ndrel n’gâng tơm kan ân geh nchrăp nau tâm rgop, doh rklaih nau jêr, kơt tĭng nau ntrŭnh bah pháp luật. Ăp nŭih tơm ntuh kơl lah ƀư mbrơi, mô ngăch ƀư tĭng nau ton kan ri mra geh jut lơi bah rnoh ƀư ăp nau kan êng êng./.