Nău mbơh ta rƀŭn nchră, tâm 9 khay năm 2026, lĕ rngôch tơm prăk ntuh kơl dak bah dih đăng ký tâm Việt Nam geh rlău 50 rmen USD, hao rlău 76% rđĭl đah ndrel khay dja năm 2025. Đah 15 n'gor, nkual ƀon têh mpeh bah dâng tơm prăk ntuh kơl dak bah dih đăng ký geh rlău 22 rmen USD đah 1.830 nău nchrăp ƀư mhe. Gay wăch rgum, wơt tơm prăk ntuh kơl tât dak bah dih tâm ăp khay hôm ƀa ƀă bah năm 2026 tâm ban kơt năm 2027 đŏng, Cục ntuh kơl dak bah dih, Bộ Tài chính n'hanh ntơh măt n'gâng kan ăp n'gor mpeh bah dâng tâm ban ŭch đah trong nkra: nchrăp rmôt nuĭh kan geh nău blău kan an ăp nău nchrăp ƀư dŏng công nghệ mhe; nchrăp ăp tŏng mpeh ntŭk ntô ndơ dŏng, ŭnh nar rhŏ dŏng nkra njêng; gŭ mĭn trong tâm rgop ntĭm nti tĭng nău đă bah ăp doanh nghiệp dak bah dih… Tâm nĕ rgâl nău tơm bah wăch rgum prăk dơm jêng n'hao uĕh, săk rnglăy n'hanh nău ring tam bah ntuh kơl dak bah dih tĭng di nuih n'hâm Nghị quyết mbrô 10 bah Bộ Chính trị mpeh hun hao wăng sa geh tơm prăk ntuh kơl dak bah dih n'hanh ăp trong mkra tâm Nghị quyết 280, bah Chính phủ.