Năm bah năp, Rƀŭn nchră, Hội đồng Dân tộc bah Quốc hội n’hanh 3 ngih pah kan trong ntrŭnh tâm rgop lĕ tĭng gưl kan, nău kan bah tĭng ngih pah kan n’hanh nkô̆ nău trong ntrŭnh gay mbơh ƀư ăp trong kan, mĭn nkô̆ nău, lĕ đah nău kan n’hanh trong tâm rgop tâm di, kơl ăp ngih pah kan nchrăp tâm rgâl mbơh nău, râng ndâk njêng pháp luật, groi nđôi, hăn uănh n’hanh dăn đă nău kơl.

Trong kan tâm rgop aơ lĕ nsĭt tay ăp săk rnglăy ngăn ngên, rgop mât uănh nău rêh drăp ndơ, nuih n’hâm bah nuĭh rnoi mpôl đêt. Ntoh ngơi ntĭm rđău ta Rƀŭn nchră, Kruanh Quốc hội Trần Thanh Mẫnan lah, Bôk nău kan tâm rgop gay n’hao tay nău ƀư ndâk njêng pháp luật, uănh năl, groi nđôi đah mât uănh ngih dak; ntop tay tĭng jêh nău kơl, dôh rklaih jêr jŏt tâm rdâk ƀư đah nkual rnoi mpôl đêt, nkual yôk, n’har bri; ndâk nkra ăp nău mô hŏ dơi ƀư tâm trong kan ntơm bah năp tât aƀaơ; ƀư săk rnglăy lơn tâm nău pă an nău mbơh n’hanh uănh nđôi ƀư tĭng; tâm di nău đă, nău kan bah ăp ngih pah kan, ntŭk kan tâm lvang mhe.