Bah meng nău dơi geh dja, Dak Lak ndơ̆ luh nău đă sŏk dŏng geh nău tam nău lư thống kê, năl di ntŭk hun hao n'hanh rdâk njêng trong nkra ntrŭt ntrôl hao jêng wăng sa bar mbrô. Tĭng nê, Dak Lak geh rlău 16.000 doanh nghiệp, bơi 147.000 ntŭk kan wăng sa êng du hê. Dĭng lĕ nsĭt geh bah nkual doanh nghiệp geh rlău 360.000 rmen prăk. Rnoh nchih rgum mbra uănh nđôi tay, ƀư lôch jêh gay rhŏ dŏng an pah kan rđău đă, ƀĭt juet. Nău sŏk dŏng săk rnglăy rnoh mbrô uănh năl geh nkô̆ nău khlay tâm dăp rgum tay jâng wăng sa, rgâl mhe trong ntĭt leo hun hao, n'hao nău dơi tâm rlong bah doanh nghiệp.