Nău mbơh tơih ta rơh rƀŭn nchră an gĭt, nău wăng sa an geh kơp dơn tay âk nău mhe ntoh ang. Lĕ rnoh prăk geh tăch ndơ an dak bah dih rơh bôk năp geh rlău 1 rbăn rmen đôlar. Prăk ntuh kơl sŏng dăng bâh dak bah dih mbơh dăn geh klâp ma 66 rmen đôlar, geh an tơm prăk ngih dak geh 2,44 rkeh rmen prăk. Dŭt nkah, rlău 900 nău kan rmeh khan lĕ geh ndơ̆ lăp dŏng. Nglôch lôch rơh rƀŭn nchră, Thủ tướng Chính phủ Lê Minh Hưng lah na nê̆, mât njrăng lạm phát, mât nâp đăp mpăn nău wăng sa têh lah nău kan an lor bôk năp têh khlăy ngăn tâm 2 khay dŭt năm, njêng nău kan an hun hao nâp nâl n’hanh mât đăp mpăn nău rêh jêng. Thủ tướng đă ăp n’gâng kan, ntŭk kan ta ntŭk an geh doh rklaih răng dăng pă tơm prăk 100% nău nchrăp tơm prăk ntuh kơl nsum, doh rklaih nău jêr an ăp nău nchrăp ƀư kan mbrơi ƀư, doh rklaih ăp nău kŏ văk mpeh nău kan nsum, ntŭk kan ngih dak n’hanh neh nsum. Nkre lah, ntrôl dăng nău tăch an dak bah dih, n’hao nuĭh dŏng ndơ tâm dak nơm, tâm rgop pă tăch ƀư n’hanh mbơh nău tăch rgâl, ntop ƀư tĭng nău ŭch hun hao wăng sa lĕ năm.