VOV.M'nông- Tâm 9 khay aơ, nsĭt geh tăch n’gluh ndơ tuch tăm, si gle, tui ka bah n’gor Dak Lak tât rlău 2,3 rmen USD, hao rlău 6% rđĭl đah ndrel khay dja năm bah năp nơh.

VOV.M'nông: Rnoh khlay tiêu plơ̆ tay dôl ƀư du đêt ƀon lan kan lŏ mir ta Gia Lai pơk hvi tay rnoh neh tăm. Yơn bah năp rnôk srih tăm, nău kônh wa uănh khlay lah joi dơi tơm ntil đăp mpăn uĕh jêng, kloh tu tơm. Tâm nklang âk ntŭk pă an, bah ntŭk gŭ mĭn, jay mir tât ăp ntŭk tăch kiău ma, ƀon lan kan lŏ mir ta ntŭk mbra sơch ntil mhâm ƀư gay đăp mpăn săk geh mir tơm. Phóng viên nkô̆ way nkoch nkoch nău ngăn geh ta Gia Lai:

VOV.M'nông: Rklaih jêr jŏt tăch n'gluh sầu riêng lah nkô̆ nău khlay ta Bôk nău kan "Cà phê doanh nhân" tâl 7, yor n'gor Dak Lak ƀư. Ăp nău rgop rgum tâm mât uănh mã mbrô nkual tăm, tâm rgop tăch n'hanh ntuh kơl nkret njêng gay n'hao rnoh khlay sầu riêng.

VOV.M'nông: Nău kan tuch tăm ba ta Dak Lak dôl an saơ trong tât mhe rnôk n'hŭch n'hôl ƀô ntŭk gŭ rêh nkre lah n'huch rnoh prăk dŏng bôk năp bâh nău n'huch rnoh tơm ntil, phân poh, dak si mât tơm tăm, dŏng dak mpêt nkrem n'hanh n'huch nău ŭnh sa bri. Ta xã Hoà Phú, n'gor Dak Lak, nău kan tuch tăm ba n'hŭch n'hôl ƀô ntŭk gŭ rêh geh mbơh ƀư ta rnoh neh 24 ha ta ntŭk kan tơm ntil tuch tăm Hoà Xuân. Nău dŭt nkah bâh nău kan mô geh ntop tay ăp nău pah kan jan sa, ma lah rgâl nău dŏng ăp ntil ndơ bôk năp n'hanh mât uănh mir tơm. 

VOV.M'nông:Việt Nam dôl geh nkual cà phê têh hvi, đah rlău 720.000 ha, tâm nĕ bơi 95% lah cà phê Robusta. Năm mhe nơh, tăch n'gluh cà phê geh rlău 1.5 rkeh tấn, prăk geh rlău 8.4 rmen USD. Yơn lah, nău dơh geh mpeh rnoh neh n'hanh rnoh âk mô hŏ rgâl lĕ rngôch jêng rnoh khlay tâm di, rnôk săk kah uĕh găr cà phê Robusta hôm nha geh nău mô tŏng. Ngoăy tâm âk nău kŏ văk lah nău mât chăm, pă ntop an ndơ kah an tơm mô tâm di.

VOV.M'nông:Nghị quyết 36 bah Chính phủ mpeh n'hŭch siƀŭt hành chính đah mã mbrô nkual tăm, mã mbrô ntŭk tâl dŭng dôl ntrŭt nsôr Gia Lai ƀư tay nău mât uănh nkual tuch tăm. Jêh 55 nar tĭng ƀư, n'gor hŏ pă mhe 43 mã mbrô nkual tăm, n'hao lĕ rngôch rnoh hao 424 mã. Nghị quyết dôl geh nău tam uĕh tât nău kan tuch tăm ta ntŭk rnôk ƀon lan kan lŏ mir ntơm uănh khlay nchih nkah rnôk mât chăm mir tơm, doanh nghiệp kơp uănh pơk hvi nkual tăm, hôm ăp ntŭk kơp uănh tay nău lư n'hanh ntĭm nti nuĭh tuch tăm.

VOV.M'nông - Du nkual sầu riêng geh hang rhiăng héc-ta, hang rhiăng rnăk ƀon lan ndrel râng tuch tăm, yơn lah ăp nuĭh ƀư du trong ri nău tŏng đah nău ŭch geh bah ntŭk tăch ngluh hôm lah nău jêr đŏng. Nê lah nkô̆ nău dơi ndơ̆ luh ta rgum nchră mpeh mât uănh, mât rnoh mbrô nkual tăm, mbrô ntŭk tâl dŭng n'hanh trong nkra n'hao săk kah, pơk hvi ntŭk tăch ngluh ndơ tuch tăm, tă bah Ntŭk rgum ntrŭt nsôr tuch tăm gưl neh dak kan nsum đah N'gâng kan tuch tăm mât rong n'hanh ntŭk gŭ rêh n'gor Lâm Đồng ƀư ôi 1/10.

VOV.M'nông: UBND n'gor Dak Lak mhe ntrŭnh nau nchrăp mât đăp mpăn ndơ ngêt sa đah ndơ tuch tăm tăch luh tât ntŭk tăch rgâl Liên minh châu Âu (EU) năm 2026, đah nkô̆ ŭch nau mât njrăng nau khuch ntơm bah nkuăl tăm.

VOV.M’nông - Jêh âk năm ntuh kơl, mât chăm, âk mir sầu riêng ta xă Chư Prông, n'gor Gia Lai dôl dâk bah năp nău roh dơm. Hang rbăn tơm du rơh rŭng lha, rŭng play, kro n'gĭng lôch nê khĭt. Dôl klach rvê, nău dja geh lam hvi jêh rnôk mih jŏ jong, tâm nê geh ăp mir sầu riêng dôl nchrăp an klêh play.

VOV.M'nông: Rgâl duh nđik trôk nar dôl ndơ̆ luh nău đă nuĭh ƀon lan kan lŏ mir săch ndơ mât, tơm tăm tâm di lơn đah nău geh êng ƀa ƀă, nkre joi tay rnoh khlay bah ndơ geh ƀư. Ta mpeh yôk yang n'gor Khánh Hòa, trong ntĭt leo mât sŭr deh kon nkre đah pâl nđaih sinh thái dôl dơi an ƀư tĭng trong dja. Mô dơn njêng geh tơm wăng sa bah mât rong, nuĭh ƀon lan hôm rƀŏng tât jêng nkual tơm tăm, ntŭk rlu rlău n'hanh ăp ndơ geh ƀư nkre đah ntŭk ntô, văn hóa ta ntŭk.