Dak Lak lah ngoăy tâm ăp nkual tuch tăm sầu riêng tơm khlay bah lam dak, đah lĕ rngôch rnoh hvi rlău 41.000 ha, rnoh âk geh năm 2026 nklăp 500.000 tấn. Nău kan di rnoh mât chăm dơi an ƀư bah 26/10 tât 26/11 ta 35 xă, phường.

Nkô̆ nău rgum ntĭm nti ƀon lan kan lŏ mir ƀư tĭng rêng ƀư tuch tăm VietGAP; dŏng phân poh, dak si mât njrăng si tăm di nău way; mât uănh tơm dak, klêh donh, nkret njêng, mât đăp mpăn kloh uĕh ndơ ngêt sa n'hanh ƀoi tĭng tơm luh. Ndrel đah nĕ lah ntĭm nti ăp nău way mpeh rnoh mbrô nkual tăm, mât uănh săk kah n'hanh n'hao săk rnglăy nkret njêng sầu riêng. Nău kan mbra kơl ƀon lan kan lŏ mir n'hao nău gĭt êng, tĭng kơn rgâl nău way pah kan, ƀư tĭng tuch tăm tĭng di rnoh VietGAP n'hanh lor nchrăp mât uănh rnoh mbrô nkual tăm. Bâh nĕ, njêng ntŭk nsing nâp nâl n'hao nău ueh, mât nâp nău knơm sầu riêng Dak Lak, n'hao nău dơi tâm rlong n'hanh ntrôl n'gâng kan hun hao nâp nâl.