VOV.M'nông- Wa Rcom H’Kliơng (nuĭh Jarai) ta buôn Rưng Ma Nin, xã Ia Rbol, n’gor Gia Lai geh 9 hê kon dơi nti ren n’hanh geh nău gĭt blău da dê. Păng mhe dơi Hội Khuyến học Việt Nam ntăm an bằng khen yor geh nău dơi ngăch prăl tâm trong leo rdâk njêng kơt nti tât dŭt nău rêh. Dơn nău rhơn nê, rnăk hŏ ƀư liên hoan răm mƀak, mpơl nuih n’hâm nkah gĭt jru bah me bơ̆; rgop rêng lam nuih n’hâm jăp gơih nti ta ntŭk.