VOV.M’nông - Lôch geh nău dơi bâh Đại hội Đảng tal 14, nău ŭch rgâl mhe, nău ŭch ntop kan dôl geh bun dăp duh hôr tâm nuih n’hâm mom ndăm đê̆ nuĭh ta Lâm Đồng n’hanh Đăk Lăk. Mom ndăm Bunong dôl nsrôih mât rbăy nău ueh êng, nkre lah ntô̆ n'hao tâm nnăukan tâm rlong ta ntŭk.

VOV.M’nông - Ntơm lăp năm mhe 2026, rup kan jut jăng ach o, hun hao wăng sa ta ƀon Dơk Rơng, xã Đăk Đoa, n’gor Gia Lai geh âk nău ntoh ang ueh ngăn. Dŭt rhơn ngăn lah nuĭh ƀon lan ta ƀon Bahnar aơ lĕ geh nău ŭch hun hao, bah ach o tâm rlong ƀư sâm geh, rdâk njêng nău rêh hơm răm, đăp mpăn. Đah nău mât kơl bâh Đảng, Ngih dak, nău tâm rnglăp hun hao n’hanh nău nsrôih bâh n’gâng kan wăng sa, nuĭh ƀon lan ta Dơk Rơng dôl knơm hun hao têh dăng ngăn.

VOV.M’nông - Ƀư tĭng nău ntrŭnh bâh n’gâng kan Chính trị mpeh rdâk njêng ngih nti ta ăp xã n’har bri neh kơh lvang năm 2025-2026, n’gor Đăk Lăk geh trung ương kơl an 389 rmen prăk ntuh kơl ƀư 3 ngih nti nội trú ta ăp xã n’har bri Buôn Đôn, Ia Lôp n’hanh Ia R’vê. lôch bơi tât 3 khay ntơm ƀư, ăp nuih dơn kan lĕ ƀư lôch 1/3 rnoh nău kan, UBND n’gor Đăk Lăk dôl ntĭm leo ntuh kơl, ntŭk kan pah kan n’hanh ăp ntŭk kan ntrôl ngăch, nsrôih an ƀư lôch n’hanh pă nău jao nău kan an dŏng ta năp khay 8 năm aơ.

VOV.M’nông - Bâh ăp dâng tăm biăp công nghệ mhe tât ăp nău kan tâm rgop pah kan jan sa, nkret njêng, bôk nău kan rdâk njêng nkual ƀon lan mhe lĕ n’hanh dôl ƀư rgâl nău rêh nkual tăm biăp ta Đơn Dương, n’gor Lâm Đồng. Nuĭh ƀon lan ta aơ lĕ jêng bôk nău kan bâh ntrong hun hao, geh njoat ndơ̆ nău tuch tăm lăp ta rnoh khlăy, n’hao nău geh n’hanh ueh nău rêh.

VOV.M’nông - Năm 2025, tâm rnôk nău wăng sa hôm nha geh âk nău jêr, pâl nđaih Khánh Hoà hôm nha geh mât nău hun hao ueh, mpơl tay na nê̆ nău kan tơm bâh n’gâng kan wăng sa ta ntŭk. Lăp năm 2026, lam n’gâng kan pâl nđaih n’gor dôl geh nchrăp ăp ndơ ueh ngăn, mbra vơt năch tâm nău rhơn nđơr, đăp mpăn n’hanh ueh.

VOV.M’nông - Tâm bôk năm 2026, n’gor Đăk Lăk geh vơt âk năch tâm dak n’hanh dak bah dih tât râng pâl rlưn. Ta meng ăp nău ueh mpeh trôk nar, nău dŏng ăp nău khlăy mpeh văn hoá ta ntuk rêh jêng jêng nău ueh mhe an nău pâl nđaih ta ntŭk.

VOV.M’nông - Pâl nđaih nsum mpôl dôl jêng trong hăn nâp nâl bah n’gor Dak Lak tâm rgum nglăp lam ntŭr neh. Ta ăp ƀon lan nuĭh Êđê, pâl nđaih mô knŭng lah uănh nsong ma hôm ndrel rêh, ndrel ƀư, ndrel ƀư ngăn nău rêh đah nuĭh ƀon lan. Ntŭk ntô jay nhih, nteh chĭng, nău rêh mir ba, nău ƀư bah rnăk wâl n’hanh nsum mpôl... dơi mât rgâl jêng ăp ăp nău ƀư ngăn ngên, dăch dêh. Tă bah ƀư ngăn ta ƀon lan, năch pâl nđaih dak bah dih wât tay n’hanh ryơk rhơn nău uĕh văn hóa Êđê, rgop boăt nthoi ƀon lan Dak Lak đah lam ntŭr neh đah ăp ndơ khlay uĕh lăng bah nơm.

VOV.M’nông - Lăp tâm năm mhe 2026 ta ƀon Chăm xă Bắc Bình n’gor Lâm Đồng ntoh tay âk rup gui ang, uĕh. Ntŭk ntô hơm răm, uĕh lăng nĕ mô knŭng lah nău rgâl mpeh muh măt thôn ƀon ma hôm lah wăng sa rnăk wâl n’hanh uĕh nâp nău rêh bah âk rnăk wâl kônh wa nuĭh Chăm ta aơ.

VOV.Mnông: Tâm n’gor Lâm Đồng, tâm nâm jâng yôk Lang Biang, ntŭk geh dak jăng Tía hoch lôch năm ndrel tơm n’ho ndrih ƀrĭng, geh nŭih kon bah rnoi K’ho hŏ dŏng lôch n’hâm nơm gay mât nuih n’hâm ƀon lan, nkre ndâk nau dăng dơi mhe ân hun hao ƀon lan, nê lah bu ranh Cil Kwuyên-nŭih kon gĭt blau bah rnoi K’Ho, nŭih ntoh lư tâm nau ntĭm nti ndrel ƀư tĭng nau mĭn, nau rêh, nau kan Hồ Chí Minh.

VOV.M’nông - Mpeh nhâp nar n’gor Gia Lai, ntŭk ăp ƀon lan hôm âk jêr jŏt, nar lơn ma ntoh âk druh ndăm rnoi mpôl đê̆ nănh mĭn, nănh ƀư, lor joi trong rƀŏng hăn gay nsan hao ta me neh ƀon tơm he nơm. Mô grŭ gră ră tâm, njăr trong ntơm njêng nău kan bah khân păng ntơm bah ăp ntil dŭt n’hâm jê̆ bah ăp nău kan way ơm,, săk tơm ntĭt êng bah n’gor mô lah nsrôih kơt nti du nău kan an hăr blău dơm.