VOV.M’nông - Lôch bơi tât 1 năm leo kan n’gâng kan ta ntŭk 2 gưl, n’gor Lâm Đồng dôl geh mâp âk nău jêr rnôk ma dŭt âk cán bộ ta xã, phường way geh tâm nău âk ir nău kan. Âk nău kan bâh ta nkuăl, gưl n’gor geh ndơ̆ tât ntŭk kan ba dâng, yơn ăp cán bộ xã ơm ê hŏ dơi bên đah nău kan xã mhe, âk cán bộ dăn rlu kan, lĕ khuch âk tât săk rnglăy leo kan. Bâh nău ngăn aơ, Lâm Đồng dôl rgum doh rklaih ăp nău nuĭh kan bâh ntŭk kan n’gâng kan ta ntŭk 2 gưl an geh săk rnglăy na nê̆.

VOV.M’nông - Bâh nău ntrŭnh di, ngăn tâm nău rêh bâh n’gâng kan ta ntŭk, nuĭh ƀon lan xã Chư A Thai, n’gor Gia Lai lĕ tâm ban du nuih n’hâm pă neh, doh rklaih nău kŏ văk gay ma pơk hvi trong hăn ta nkual ƀon lan. Ăp trong hăn mhe mô dơn geh kơl nău hăn nsong, nchoăn rdeng ndơ tuch tăm dơh nơih lơn ma hôm nha mpơl soan dăng nău tâm rnglăp, nău tâm ban du nuih n’hâ đah n’gâng kan n’hanh ƀon lan tâm trong rdâk njêng nkual ƀon lan mhe.

VOV.M’nông - Bol ma mhe kanŭng geh gĭt đah tăch rgâl điện tử klâp ma 2-3 năm, ƀon lan kan lŏ mir n’hanh HTX ta Gia Lai lĕ ngăch joi saơ trong mhe an nău tăch ndơ, ntoh lư ta ntuk. Rgâl mhe rnoh mbrô an saơ, nău kŏ jêr ngai mpeh nkual neh ntơm mô hôm geh, ntil ndơ ta ntŭk geh hun hao ngai lơn, hăn ngai lơn.

VOV.M'nông- Nklang nar duh n’heng bah n’har bri n’gor Quảng Ngãi, công nhân ta ăp ntŭk ƀư nhih nti phổ thông nội trú rep gưl dôl ndăn ngăch pah kan. Đah nuĭh ƀon lan ta aơ, nê mô dơn lah trong nchrăp ƀư ntŭk ntĭm nti, ma hôm lah nău mpŏng mpeh du ntŭk kơt nti uĕh lơn an oh kon. Lĕ dĭng nuĭh mpŏng nhih nti ơm ƀư lôch jêh n’glăp dŏng da dê.

VOV.M’nông - Xã Đăk Sơ Mei, nkual căn cứ cách mạng- ƀon tơm Anh Hùng Wừu ta n’gor Gia Lai, dôl rgâl săk geh âk nău ueh tâm nău rêh mhe. Nău rêh hơm răm tŏng ăp tât đah ƀon lan ta nkual căn cứ cách mạng aơ.

VOV.M'nông- Lôch tĭng ƀư n’gâng kan bar gưl, rnoh nău kan âk ta gưl xã hao âk tơ̆. Bah năp nău mpet jâk nê, rmôt cán bộ tâm dâng ta mpeh yôk yang n’gor Quảng Ngãi hŏ lor nchrăp dăp rgum nău kan, nkre dơn âk nău kan, nsrôih “mbăk anh kan” gay đăp mpăn nău kan mbluh soih n’hanh rhŏ dŏng nuĭh ƀon lan. Nău dăch dêh ƀon lan, grêt tĭng ƀon lan kơl cán bộ ngăch rƀah gĭt, nkra ăp nkô̆ nău ntoh luh bah tâm dâng đŏng.

VOV.M’nông -Tâm ngih jay ntưm tôl gŭr tâm dăch ta pĭt dak lêng. Ăp ngih jay pe n’goang geh mpơl nău jŏ năm khay tĭng ăp trong ƀon ueh kloh. Ta ndrâm dak lêng ntoh n’gôr duk ka ăp ôi măng n’hanh kêng măng rnôk tât duk sĭt. ndrĭch dak lêng kơt lah êr lĕ rngôch ndrel đah mău nđir bâh dak lêng. Lĕ rngôch ngăp ndrel ngoăy njêng nău ueh êng ta dak lêng. Nĕ lah ƀon Lò, du ƀon ơm yău ta dăch dak lêng ta phường Hoà Hiệp, n’gor Đăk Lăk, du nău ntĭt dŭt ueh dăch bên mpeh trong ƀư leo pâl nđaih ntil ndơ ơm yău.

VOV.M’nông - N’gor Lâm Đồng dôl ntuh kơl tâm ban, ueh mhe ntŭk kan kơl kan hành chính công gưl xã, n’hao nău dơi doh rklaih nău kan. Đah ndơ dŏng ntung trong geh n’hao mhe, nău kan kloh rjăp na nê̆, gưl xã jêng ntŭk knơm đah ƀon lan, dă ch ƀon lan dăch nău kan.

VOV.M’nông - Ta thôn Phú Hạnh, xã Tuy An Đông, n’gor Đăk Lăk, geh du ƀon ơm rhiăng năm hôm. Ta aơ geh âk nuĭh ntơ lah ƀon bâh lŭ yor geh âk nău kan ueh kơt bảo tàng lŭ ơm aƀaơ ƀon aơ hôm nha geh âk ndơ kăl kơt ntu dak lŭ, trong lŭ, mpêr lŭ, n’gar lŭ mô lah ăp ngih geh mon ma lŭ da dê. Ƀon lŭ aƀaơ dôl geh âk năch tât râng uănh yor păng êng n’hanh jêng ntŭk tât mhe ntoh tâm njăr trong hăn pâl nkual neh Phú Yên kăl e.

VOV.M’nông - Lôch rlău 50 năm rklaih đăp mpăn, 40 năm rgâl mhe, âk ƀon lan ta Đăk Lăk lĕ luh bâh ntŭk kan ƀư êng dŏng êng, gay ma lăp ndrel đah nău rêh mhe nsum bâh neh dak. Trong chai hăn tât ƀon đah nkuăl ƀon têh, điện ang sĭt tât ta ngih rot jong, oh kon hăn nti ngai lôch nĕ plơ̆ sĭt ta ƀon lan, nsĭt tĭng nău mhe, nău mĭn, ntop njêng ăp nău rgâl mhe ueh tâm nău rêh ntŭk rêh jêng. Yơn nău dŭt nkah lơn lah mô dơn tâm ăp rnoh hun hao. Ba kơi nău rêh ueh mhe nĕ lah du nău khlăy ngăn dôl geh mât rbăy ma nâp nâl ta âk ƀon lan, nău răm rhơn ntơm bâh nău ueh nsum bâh ntŭk rêh jêng, bâh rnoi nơm.