VOV.M’nông - Ta năp âk samƀŭt rhăch nău neh ntu hao âk tâm rnôk nuĭh kan ta gưl xă hôm e đêt, n’gor Gia Lai lĕ joi nău rblang đah công nghệ. Bah ăp samƀŭt rhăch nău ngăn, trong ƀư way kan n’hanh nău blău ơm mkra na nê̆, cán bộ Ntŭk kan rhŏ an hành chính nsum n’hanh Văn phòng Dăn ƀư samƀŭt neh ntu n’gor Gia Lai lĕ ndrel hun hao, “tiăr nti” kơt dŏng nău mĭn mhe-AI neh ntu rlău âk khay bah năp rnôk ndơ̆ an dŏng ta 135 xă, phường. Trong ƀư jêng AI neh ntu bah êng Gia Lai an saơ nău nchrăp lor geh jru hvi tâm ntrôl dăng kơt dŏng khoa học công nghệ n’hanh rgâl mrô, tă bah nĕ mkra săk rnglăy ngoăy tâm âk nău khlay ta ntŭk.

VOV.M’nông - N’gor Dak Lak dôl ndăn dăp trong ƀư ntŭk ntĭm nti ngih dak, nchrăp n’hŭch 50% ntŭk. Ndrel đah kơp uănh, ƀư tay ngih samƀŭt jrô nti, ăp ntŭk n’hanh ngih samƀŭt n’hao nkoch trêng, gĭt nu nău mĭn, geh nău tâm ban ŭch, đăp mpăn nău dăp mô khuch tât nău dơi nti bah kon hŏk tâm năm nti mhe.

VOV.M’nông - Lah ntŭk bôk năp bâh n’gor Gia Lai geh săch nău kan xã tơm ta rnoh mbrô, xã Tây Sơn dôl njêng ăp nău rgâl mhe na nê̆ ta trong kan rgâl mhe hành chính, hun hao n’gâng kan rnoh mbrô.Bâh ăp nău kan bôk năp, n’gor Gia Lai uănh năl pơk hvi nău kan tât 30 xã, tă njoat njêng ăp nău kan rnoh mbrô tâm ban bâh ntŭk kan bah dâng.

VOV.M’nông - Ta n’har bri ta ăp xã Tuy Đức, Dăk Wil bâh n’gor Lâm Đồng điện ngih dak lĕ geh tât ta ăp nkual ƀon lan gŭ ngai ngŏt, ntop an hun hao nău wăng sa ta nău mât đăp mpăn ngih dak. Điện geh nsĭt tay nău rêh mhe ta nkual n’har bri.

VOV.M’nông - Ăp tơ̆ ta khay mih tât, âk rnăk ƀon lan ta nkual dak me Ayun, ta xã Ia Hiao, n’gor Gia Lai mĭn rvê dak buk tât, mbra khuch tât săk soan n’hanh drăp ndơ. Gay ma kơl an ƀon lan geh nău rêh đăp mpăn lơn, n’gor Gia Lai lĕ mbơh tơih nău kan ntŭk gŭ rgum an ăp nkual geh dak băm ta xã Ia Hiao. Tâm ba năp nơh, đah nău tâm kơl bâh ƀon lan, du ntŭk gŭ mhe dôl ntơm njêng, kơl an ƀon lan đăp mpăn nău rêh jêng.

VOV.M’nông - Bâh ăp ƀon lan lĕ dăch bên bâh âk rơh, âk ntŭk rêh jêng ƀon lan ta Đăk Lăk mhe geh lăp ta du rơh kan mhe. Aơ mô dơn lah nău leo ƀư tay ăp thôn ƀon, tổ dân phố ma tĭng nău pă dăp ntŭk kan, ma hôm nha lah nău kan an tâm di ueh đah n’hao săk rnglăy mât uănh đah mât rƀăy nău ueh êng, nău way kan n’hanh tâm rnglăp ntŭk rêh jêng. ta phường Ea Kao, ntrong kan pă dăp lĕ geh tâm ban bâh ntŭk kan ba dâng.

VOV.M'nông- Ta ăp jâng yôk xã Tu Mơ Rông, n’gor Quảng Ngãi (nkuâl Tu Mơ Rông, n’gor Kon Tum ơm), rlău 1 rkeh tơm cà phê mhe dơi tăm mhe, ntơm jêng nkual tăm rgum, joi geh trong rêh jŏ jong an nkual ƀon lan Xơ Đăng.  

VOV.M’nông - Bâh du ƀon geh khuch lĕ rngôch bâh mih sial, aƀaơ Xóm Rớ n’gor Đăk Lăk, jêng ntŭk tât bâh âk nuĭh ƀon lan n’hanh bu năch tâm ntrong hăn pâl rlưn. Nău ueh êng ntŭk aơ lah lơ ma geh âk nuĭh tât ta dak lêng ƀon Xóm Rớ đah ăp ntŭk bê tông nking sial geh ƀư ăp mau ueh ang, jeneg nău ueh mhe ta ntŭk aơ.

VOV.M’nông - Ăp bu ranh pă an kon se du tơm sâm Ngọc Linh ndơn đah prăk rhơn năm. N’hanh tơm sâm nĕ, 10 năm ba kơi, geh rnoh dŭt khlăy. geh nuĭh hăn jâng lĕ du nar gay ma manh 2 rkeh prăk, aƀaơ mât mir tơm sâm bar pe rmen prăk. Ta ntŭk tă dŭt ach o ta lam dak, nuĭh Xơ Đăng dôl mpôn ta bri du nău mpôn ƀư an khân păng jêng têh ndrŏng, êng ngăn, khân păng mô geh mpôn an nơm.

VOV.M’nông - Lôch du năm leo kan nău kan n’gâng kan ta ntŭk 2 gưl, phường Ea Kao, n’gor Đăk Lăk kơp dơn âk nău rgâl mhe na nê̆ bâh rgâl mhe nău kan hành chính, mât đăp mpăn rnă njrăng tât rgum lĕ soan ƀon lan ƀư ndơ dŏng. Nău ma ƀon lan geh gĭt na nê̆ lah n’gâng kan dăch ƀon lan lơn, ƀư nău kan ngăch lơn n’hanh leo kan tâm nău doh rklaih ăp nău bâh ntŭk kan ta ntŭk.