VOV.M'nông- Lôch tĭng ƀư n’gâng kan bar gưl, rnoh nău kan âk ta gưl xã hao âk tơ̆. Bah năp nău mpet jâk nê, rmôt cán bộ tâm dâng ta mpeh yôk yang n’gor Quảng Ngãi hŏ lor nchrăp dăp rgum nău kan, nkre dơn âk nău kan, nsrôih “mbăk anh kan” gay đăp mpăn nău kan mbluh soih n’hanh rhŏ dŏng nuĭh ƀon lan. Nău dăch dêh ƀon lan, grêt tĭng ƀon lan kơl cán bộ ngăch rƀah gĭt, nkra ăp nkô̆ nău ntoh luh bah tâm dâng đŏng.

VOV.M’nông -Tâm ngih jay ntưm tôl gŭr tâm dăch ta pĭt dak lêng. Ăp ngih jay pe n’goang geh mpơl nău jŏ năm khay tĭng ăp trong ƀon ueh kloh. Ta ndrâm dak lêng ntoh n’gôr duk ka ăp ôi măng n’hanh kêng măng rnôk tât duk sĭt. ndrĭch dak lêng kơt lah êr lĕ rngôch ndrel đah mău nđir bâh dak lêng. Lĕ rngôch ngăp ndrel ngoăy njêng nău ueh êng ta dak lêng. Nĕ lah ƀon Lò, du ƀon ơm yău ta dăch dak lêng ta phường Hoà Hiệp, n’gor Đăk Lăk, du nău ntĭt dŭt ueh dăch bên mpeh trong ƀư leo pâl nđaih ntil ndơ ơm yău.

VOV.M’nông - N’gor Lâm Đồng dôl ntuh kơl tâm ban, ueh mhe ntŭk kan kơl kan hành chính công gưl xã, n’hao nău dơi doh rklaih nău kan. Đah ndơ dŏng ntung trong geh n’hao mhe, nău kan kloh rjăp na nê̆, gưl xã jêng ntŭk knơm đah ƀon lan, dă ch ƀon lan dăch nău kan.

VOV.M’nông - Ta thôn Phú Hạnh, xã Tuy An Đông, n’gor Đăk Lăk, geh du ƀon ơm rhiăng năm hôm. Ta aơ geh âk nuĭh ntơ lah ƀon bâh lŭ yor geh âk nău kan ueh kơt bảo tàng lŭ ơm aƀaơ ƀon aơ hôm nha geh âk ndơ kăl kơt ntu dak lŭ, trong lŭ, mpêr lŭ, n’gar lŭ mô lah ăp ngih geh mon ma lŭ da dê. Ƀon lŭ aƀaơ dôl geh âk năch tât râng uănh yor păng êng n’hanh jêng ntŭk tât mhe ntoh tâm njăr trong hăn pâl nkual neh Phú Yên kăl e.

VOV.M’nông - Lôch rlău 50 năm rklaih đăp mpăn, 40 năm rgâl mhe, âk ƀon lan ta Đăk Lăk lĕ luh bâh ntŭk kan ƀư êng dŏng êng, gay ma lăp ndrel đah nău rêh mhe nsum bâh neh dak. Trong chai hăn tât ƀon đah nkuăl ƀon têh, điện ang sĭt tât ta ngih rot jong, oh kon hăn nti ngai lôch nĕ plơ̆ sĭt ta ƀon lan, nsĭt tĭng nău mhe, nău mĭn, ntop njêng ăp nău rgâl mhe ueh tâm nău rêh ntŭk rêh jêng. Yơn nău dŭt nkah lơn lah mô dơn tâm ăp rnoh hun hao. Ba kơi nău rêh ueh mhe nĕ lah du nău khlăy ngăn dôl geh mât rbăy ma nâp nâl ta âk ƀon lan, nău răm rhơn ntơm bâh nău ueh nsum bâh ntŭk rêh jêng, bâh rnoi nơm.

VOV.M’nông - Ôi tay 15/3, ƀon lan lam dak mbra tât râng săch đaị biểu Quốc hôị khoá 16 ‘hanh đaị biêủ HĐND năm kan 2026-2031. Ta Đăk Lăk, ndrel đah ăp njoat nchrăp kan mpeh leo ƀư ueh, nău kan mbơh tơih geh ntrôl dăng đah âk trong kan ueh di. Ngăn lah, nău pă phiếu săch tât ti ƀon lan lĕ n’hanh dôl geh mbơh tơih ăp ntŭk, kơl nău mbơh mpeh rơh săch kruanh trĕ lam têh hvi, njêng nău kan mpŏng tât nar tâm mapa têh bâh lĕ ƀon lan.

VOV.M'nông- Năm 2025 mhe aơ, rnoh geh rhŏ dŏng ƀon lan n’hanh doanh nghiệp bah n’gor Gia Lai geh 96,63 điểm, dâk tâl 2 lam dak, mpeh rmôt ăp n’gor săk geh rhŏ dŏng ngăch prăl. Rgop tâm nău dơi nê, geh ăp nău rgop kloh bah n’gâng kan tâm dâng, ntŭk cán bộ dôl rhŏ dŏng kônh wa ăp rnoi mpôl đê̆ ma lĕ nuih n’hâm n’hanh dơn kan đah nsum mpôl. Nchih nkoch ngăn geh ta Ntŭk rgum rhŏ dŏng nsum xã Đắk Đoa, n’gor Gia Lai, ntŭk geh rlău 38% rnoh âk nuĭh rnoi mpôl đê̆. Jă kônh wa n’hanh băl mpôl djăt ndrel.

VOV.M’nông - Ta xã Đam Rông 4, n’gor Lâm Đồng, nău kan rmôt kan tâm rgop bu ur tăm tơm an ndrŭng sa dôl geh mpơl na nê̆ săk rnglăy, jêng nău mpŏng kan hăn tâm di tâm nău rgâl mhe tơm tăm, njêng nău rêh đăp mpăn an âk bu ur rnoi K’Ho. Bâh ăp rnoh neh cà phê mô săk rnglăy, âk rnăk lĕ nănh rgâl mhe jêng tăm tơm an ndrŭng sa, rong ndrŭng, geh njoat n’hao nău geh n’hanh n’hao mhe nău rêh. Bâh nĕ, njêng nău tâm rgop đah ăp nuĭh kan ndrel bâh nău mbơh nău blău kan jan sa, kơl an mpeh kĩ thuật n’hanh ndơ dŏng, nkre lah ntop rgâl mhe nău gĭt vât, jut jăng ăp nău mĭn mô tâm di tâm nău pah kan jan sa.

VOV.M’nông - Dak Lak lah nkual neh geh âk nău dơi mpeh tuch tăm đah âk ntil ndơ ntoh lư lĕ lah mpơl na nê̆ nău ntơ. Tâm ăp nar bôk năm mhe, nuĭh ƀon lan n’hanh bu năch geh rơh gĭt na nê̆ lơn nău khlăy bâh ăp ntil ndơ OCOP bâh ăp ndơ pă ndray ta ntŭk ngêt dak, nău ƀô kah ta nă ŭnh. Bâh cà phê ntoh lư, dak sŭt, play pâr kro tât ăp ntil găr, ăp ntil dơ geh nsĭt nău ueh êng bâh ƀon tơm aƀaơ lĕ jêng nău ntoh lư, ntop ƀư jêng năm mhe nkre dăch, nkre ueh mhe tâm ăp rnăk vâl.

VOV.M’nông - Ntơm lăp năm mhe 2026, rup kan jut jăng ach o, hun hao wăng sa ta ƀon Dơk Rơng, xã Đăk Đoa, n’gor Gia Lai geh âk nău ntoh ang ueh ngăn. Dŭt rhơn ngăn lah nuĭh ƀon lan ta ƀon Bahnar aơ lĕ geh nău ŭch hun hao, bah ach o tâm rlong ƀư sâm geh, rdâk njêng nău rêh hơm răm, đăp mpăn. Đah nău mât kơl bâh Đảng, Ngih dak, nău tâm rnglăp hun hao n’hanh nău nsrôih bâh n’gâng kan wăng sa, nuĭh ƀon lan ta Dơk Rơng dôl knơm hun hao têh dăng ngăn.