Rbông kơh dak lêng Xóm Rớ ta phường Phú Yên, n’gor Dak Lak ăp nar dăch aơ wăch rgum âk nuĭh ƀon lan n’hanh năch pâl nđaih. Mông nar aih nđik, bah meng lah ndrâm dak ka Đông Tác, ta năp măt mpông dak lêng Đà Diễn đah duk hăn duk sĭt. Uănh sĭt mpeh Bắc lah yôk Chóp Chài n’hanh nkual têh Tuy Hòa. Uănh rlơ̆ mpeh Tây lah ntung Hùng Vương mbăk rlău dak me Đà Rằng. Lĕ rngôch jêng rup ndah geh bah ơm.

Nklăp 3 năm aơ, tâm yan mih, ntŭk aơ wăch rgum dŭt âk băm mom joi tât ăp rơh kêng măng. Bah du ƀon geh dak lêng rdŭl phah, aƀaơ Xóm Rớ jêng ntŭk tât bah năch pâl nđaih ƀư âk nuĭh ƀon lan dak lêng rhơn. Du hê ƀon lan dŭt rhơn an gĭt:

 Aƀaơ nkra tay, sơn kơt aơ năch pâl nđaih dŭt âk. Jêng aƀaơ ƀon lan ta aơ rgum hăn tacwh ndơ âk đŏng, jêng dơh oi njê.

N’hâm soan nău uĕh bah rƀông kơh Xóm Rớ ntoh bah n’gul khay 6 mhe rlău, rnôk ăp păng bê tông nking n’gang dak lêng rdŭl “rgâl ao mhe” đah ăp dak ntơr pŭt, chăng, êr, dŭm... ntoh lư đah trôk n’hanh dak lêng pŭt. Dŭt âk nuĭh ƀon lan ta ntŭk n’hanh năch pâl nđaih tât hăn uănh nsong, chŭp rup, lơn lah tâm ôi ơm n’hanh kêng măng, rnôk măt nar jêng ăp nău tâm rgâl măt uănh mhe. Du hê bu năch răm rhơn:

Rnôk bah năp oh geh tât hôm, rnôk mhe sơn tay aơ lah oh tât tay. Di lah view rkeh đô ngăn, dŭt uĕh.

Bah ntŭk sơn bâh du hê ntuh kơl, phường Phú Yên lĕ rgŏ jă ăp nuĭh kơl kan ndrel du đêt nuĭh sơn blău kan ƀư sơn màu an ăp păng bê tông nking dak lêng rdŭl rbông kơh Xóm Rớ. Ăp nuĭh kơl kan an gĭt, oh nô ƀư lĕ nar đah duh, nău sơn i ty đah ăp gưl bah ƀư kloh bah dih, sơn ntop tay, sơn ka lơ màu... yơn khân pơng saơ dŭt răm rnôk dơi ƀư âk nuĭh wơt dơn.

Rih êh mhe, ueh lơn an phường nơm, oh nô uănh saơ dơh oi ŏk r’ah. Ƀư âk nar saơ săk rnglăy bah nơm dơi geh ăp nuĭh rƀŏng kơl he saơ răm ngăn.

Nău “n’gut ao mhe” an ăp păng nking n’gang dak lêng rdŭl rbông kơh dak lêng Xóm Rớ mô knŭng kơl ƀư ueh ntŭk mper dak lêng ma hôm geh tay ndơ ƀư ngăn an năch pâl nđaih tâm yan pâl nđaih yan mih năm 2026. Aơ mô knŭng mât uĕh nău khlay ntŭk ntô geh ơm, ntrôl hun hao pâl nđaih ta ntŭk, ma hôm an saơ, soan wăch rgum năch mô kâp an tât bah ăp prăk ntuh kơl têh, ma dơi bah nău kơl rƀŏng tĭng bah n’gâng kan ƀon lan n’hanh nsum mpôl đah ntŭk ntô ta ƀon lan nơm.