VOV4.M’nông - 50 năm lĕ rlău, ăp nkuăl ntŭk cách mạng ta ăp ƀon lan rnoi mpôl đêt bah n’gor Lâm Đồng lĕ rgâl săk. Ăp nkual neh geh phah yor tâm lơh tâm su aƀaơ lĕ rgâl têh dăng, hao jêng ăp nkual ƀon lan mhe dôl rêh đah âk nău geh hun hao.

VOV4.M’nông - Ƀư tĭng ntĭm rđău bah Thủ tướng Chính phủ mpeh nău jŭt jăng ngih rông mpông sat n’gor Dak Lak dôl mbơh ƀư 4 bôk nău rgop an tâm nchră gay ntop kơl ndâk ƀư jay gŭ an rnăk ach o, êp ach o n’hanh ăp nuih jêr jŏt tâm n’gor. Aƀaơ n’gâng kan ƀon lan n’hanh ăpm ban nău kan dôl rgum dŭt n’hgâm jêh nău ndâk ƀư n’hanh nkra 7312 mlâm jay bah năp yan mih hô, kơl ăp rnăk geh jay nâp nâl gay đăp mpăn pah kan jan sa.

VOV4.M'NÔNG- Neh ntu lah tơm ndơ mpêt khlay an nău hun hao wăng sa- rêh jêng kon nuĭh bah n’gor Dak Lak. Đah rnoh hvi rlău 13.000 Km2 ta nklang nkual Tây Nguyên n’hanh geh neh ntu mha êng, nău mât n’hanh dŏng geh nău tam tơm neh mbra kơl n’gor ntrôl dăng hun hao wăng sa- rêh jêng kon nuĭh, tât rnoh hun hao 8% ma Chính phủ hŏ jao.

VOV4.M’nông - 50 năm jêh nar rklaih đăp mpăn, Tây Nguyên lĕ rgâl mhe lĕ rngôch. Uĕh nđĭr bah nkual têh lŏ mir, ăp ndơ ƀư ntung trong, dak bât têh lĕ ƀư bah ăp sôt têl tâm lơh tâm su. Ăp rkum ntŭk gŭ têh hô tâm lơh tâm su Tây Nguyên kơt Đức Lập ta mpeh bah Dâng, Cheo Reo ta mpeh bah Lơ, Phước An ta n’gul Buôn Ma Thuột ta nkual nlang, lơ rgâl âk, jêng ăp ntŭk wăng sa hun hao têh ngăn.

VOV4.M’nông - Tă aơ 50 năm, ta kêng ôi lơ 9/3/1975, tahen rklaih đăp mpăn lĕ rdôl lơh rkum Đức Lập (n’gor Quảng Đức ơm), ntŭk njrăng n’gang mpeh bah dân Buôn Ma Thuột. Lơh dơi Đức Lập dơi uănh lah rơh dơi pơk trong rgop khlay lăp lơh dơi chiến dịch Tây Nguyên yan puh 1975. N’gul rach năm lĕ rlău, Đức Lập kăl e-Dak Mil aƀaơ lĕ jêng du nkuăl hun hao âk bah n’gor Dak Nông.

VOV4.Mnông: Ôi lơ 6/2, 102 xã phường, nkuăl têh 10 nkuăl, nkuăl ƀon têh ta Kon Tum n’gor Kon Tum tâm ndrĭh ƀư tơh ntơm hăn kan bôk năm 2025 đah bôk nău “Ntơm hăn kan rdâk njêng nkual ƀon lan mhe ueh mhe”.

VOV4.M'NÔNG- Puăn năm rlău aơ n’gor Kon Tum hŏ tăm mhe bơi 18.000 ha bri, rlău bơi 3000ha ma Nghị quyết Đại hội Đảng bộ n’gor tâl XVI, năm kan 2020- 2025 n’gluh. Mô dơn tât ơm, rnôk an tĭng ƀư Nghị quyết mpeh tăm bri nkre đah Rơh rgŏ jă “Ƀư rgâl nău mĭn, nău kan bah ƀon lan rnoi mpôl đê̆, ƀư an ƀon lan rnoi mpôl đê̆ nsan hao ƀư geh ndrŏng jŏ jong” hŏ kơl nuĭh ƀon  lan rgâl êng nău mĭn bah bri rgâl jêng tăm bri, mât njrăng n’hanh hun hao bri. Rhơn lơn đŏng lah mâp dơi nđĭr uĕh bah bri nuĭh ƀon  lan geh ndơ ma hun hao wăng sa bah bri nsĭt tay nău geh wăng sa jŏ jong.

VOV4.M’nông - Năm aơ, nuĭh ƀon lan ta xă Kon Gang, nkuăl Đak Đoa, n’gor Gia Lai wơt Tết way ơm Ất Tỵ tâm rnôk răm m’ak. Yor năm bah năp, sầu riêng, cà phê săk play, tăch peh, âk rnăk geh prăk rmen. Bah meng nĕ, ăp rnăk dơi kơl, ăp rnăk jêr jŏt, dơi gưl ủy, n’gâng kan ƀon lan uănh tât, jao an ndơ Tết dŭt uĕh.

VOV4.Mnông: Ta ăp nkual jru, nkual ngai bah n’gor Dak Lak, ndrel đah nău mât uănh ntuh kơl mpeh ntŭk ntô ndơ dŏng kơt nti ta ăp nhih nti ri nău nsrôih bah ăp nai ntĭm nti tâm nău krêp dêh đah nhih nti, ndrel hăn đah kon se nti, hŏ rgop n’hao săk blău ntĭm nti ta ăp gưl nti. Ăp nar rhơn năm mhe wơt tết, he ndrel djăt ăp nai ntĭm nti nkoch mpeh nău nsrôih nsĭt rplay siƀŭt tât đah kon se nti, rgop tâm nău wat jêh ăp rnoh tât mpeh ntĭm nti tâm rdâk njêng ƀon lan mhe ta Dak Lak.

VOV4.M’nông - Năm aơ, hang rbăn rnăk ach o ta Tây Nguyên lĕ geh du ndơ Tết dŭt uĕh, hơm răm lơn, knơm nău tâm kơl bah nsum mpôl n’hanh nău uănh tât bah n’gâng kan ƀon lan ta ntŭk. Ăp jay mhe têh uĕh, ăp nklâm ndơ Tết geh âk nkô̆ mô knŭng kơl khân pơng dơi wơt du ndơ Tết hơm răm, ma hôm nsĭt tay nău mpŏng ŭch đah du nău rêh rgŏ năp uĕh ang lơn.