Thủ tướng lah na nê̆ Việt Nam n’hanh Nhật Bản hôm nha geh âk nău kan ntrôl an hun hao tâm kơl kan, tâm nĕ JBIC mât nău kan tơm khlăy tâm nău rgum lĕ rnoh kan an ăp nău kan ƀư ndơ dŏng ntung trong nău kan tơm jŏ jong n’hanh rgâl mhe ueh nđir. Thủ tướng đă JBIC an geh ƀư ntung njŏ tay, mĭn uănh ăp nău kan mpeh tơm prăk, mât ntuh kơl an tâm di gay ma kơl an hun hao ăp ntŭk kan công nghiệp, ntŭk kan tơm mpeh rgâl mhe mĭn kan n’hanh ntŭk pah kan jan sa công nghệ mhe ta Việt Nam. Kruanh Maeda Tadashi an gĭt JBIC ŭch pơk hvi ăp nău kan tâm kơl kan na nê̆, ntop ƀư tĭng ueh nău geh bâh rơh tât khâl Việt Nam bâh Thủ tướng Nhật Bản n’hanh tâm di đah nău mpŏng an geh âk ntuh kơl dak bah dih bâh Việt Nam.