6 khay bôk năm, lĕ rnoh geh nău wăng sa bâh Đăk Lăk nchroh geh hao 8%, nău geh pâl nđaih hao rlău 37%, geh rlău 1.990 doanh nghiệp njêng mhe. Rơh rƀŭn nchră nău nchrăp kan n’hanh mbơh nău ntuh kơl n’gor Đăk Lăk geh 103 nuĭh ntuh kơl mbơh dăn 147 nău kan đah lĕ rnoh prăk nchrăp mbra geh rlău 1 rkeh rmen prăk, 25 nău kan, lĕ rnoh prăk kan 40.290 rmen prăk lĕ pă ŭch tĭng nău ntrŭnh ntuh kơl. Leo kan rơh rƀŭn nchră, Wa Lương Nguyễn Minh Triết, Bí thư n’gor Uỷ Đăk Lăk đă ăp gưl kan, ăp ntŭk rgum lĕ ăp rnoh kan ƀư tĭng nkô̆ mpŏng hun hao bâh 10% let lơ tâm năm 2026; n’hao an geh săk rnglăy nău pah kan bâh n’gâng kan ta ntŭk 2 gưl, ntrôl dăng trong kan hành chính, rgâl mhe rnoh mbrô, doh rklaih nău jêr an doanh nghiệp, ntrôl dăng ăp nău kan tơm khlăy n’hanh mât na nê̆ nău kỷ luật, kỷ cương hành chính, ndrel đah nău dơn kan bâh nuĭh leo bôk năp đah nău geh ƀư tĭng trong kan.