Nău ntrŭnh aơ lĕ geh ndơ̆ mbơh lôch geh âk mê̆ bơ̆ kon hoc n’hanh kon hoc mpơl nău mĭn rvê yor kon hoc geh điểm dŭt prêh yơn mô dơi geh săch lapw nău ŭch 2. Tĭng nău ntrŭnh mhe ntrŭnh, ntŭk kan ntĭm n’hanh nti n’gor Đăk Lăk lĕ geh ntop 282 nău mpŏng ŭch mbrô 1 an 4 ngih nti geh THPT Nguyễn Huệ, THPT Lê Quý Đôn, THPT Buôn Ma Thuột n’hanh THPT  Cư M’gar, nkre lah ntop an 302 nău mpŏng ŭch săch lăp mbrô 2 ta ăp ngih nti THPT Hồng Đức, Chu Văn An, Nguyễn Trãi n’hanh Lê Hưũ Trác an ăp kon hoc tŏng nău dơi tĭng nău ntrŭnh, đah rnoh điểm geh săch lăp mbơh na nê̆ an ăp nuĭh. Wa Lê Thị Thanh Xuân, Giám đốc ntŭk kan ntĭm n’hanh nti n’gor Đăk Lăk an gĭt nău kan săch kon hoc lăp nti jrô  10 dôl geh mbơh ƀư di trong. Lôch geh mbơh rnoh điểm tâm di, kon hoc geh 3 nar gay ma ƀư sƀ lăp nti. Lôch nar 3/7, ntŭk kan ntĭm nti n’gor Đăk Lăk mbra uănh năl tay nău ngăn na nê̆ gay ma geh nău ntĭm nti an tâm di.