Kêng măng 14/7, ta Phường Việt Trì, Thủ tướng Chính phủ Lê Minh Hưng ƀư tơm nar pah kan đah Rnâng kan n’gor uỷ Phú Thọ mpeh nau ƀư nau kan hun hao văng sa, rêh jêng ndrel nkô̆ nau hun hao “bar rnoh mrô”. Rnê prêh n’gor Phú Thọ geh Bôk nau kan mpeh hun hao bar rnoh mrô, Thủ tướng đă n’gor Phú Thọ lŏ nsôih lơn tay, nsôih prêh lơn, geh nau kan mhe, geh nau ƀư mhe gay dơi nkô̆ nau hun hao 11% hao gŏ lơ.

Thủ tướng đă Phú Thọ nchrăp tŏng ăp nau dơi gay ma ndơn, ntop ndrel ntrŭnh ƀư nkra ăp bôk nau kan nkô̆ nau bah neh dak lvang năm 2026-2030 jêh rnôk geh Trung ương jao tơm prăk; ndâk nau nchrăp ntuh kơl jŏ năm ntơm năm 2026-2030 gay đăp mpăn nau đă geh kơp rnoh văng sa-rêh jêng, nchrăp mbơh ân săk tam nau ntuh kơl lor ma geh ntop tơm prăk. Thủ tướng đă n’gor uỷ Phú Thọ uănh khlay nau kan ndâk njêng Đảng ndrel ndâk njêng trong kan chính trị n’gor tâm rnglăp, tâm ban, kloh, nâp nâl, kơl an ƀon lan, ntŭk kan./.