Ta aơ, Tổng Bí thư, Kruanh dak Tô Lâm an gĭt, ndrel đah mât chăm, tĭng ƀư trong kơl đah ăp rnăk wâl tahen ơm khĭt, ăp tahen rmanh, tahen ơm, ăp nuĭh rgop an rơh rklaih luh rnoi nuĭh, dơn ngoăy neh dak, mât njrăng đăp mpăn ƀư tơm n’hanh lam lĕ rngôch neh dak, mât njrăng nău đăp mpăn n’hanh hun hao neh dak... Đảng, Ngih dak n’hanh lam rêh jêng kon nuĭh dôl nsrôih joi, rgum, năl săk ăp tahen ơm khĭt hŏ gŭ tay tâm trôm me neh Việt Nam n’hanh ăp tahen hăn kơl dak bah dih têh khlay.

Tổng Bí thư, Kruanh dak Tô Lâm dăn đă, Ntŭk rgum pêt mât ân kan nsum mbluh soih đah ăp nhih dak si bah lơ gay but săm chuyên khoa, rgum nchroh, kơl ndal n’hanh rdeng năn ngăch tât nhih dak si bah lơ; mô an siƀŭt ƀư mbrơi nău săm. Yor nău Đảng, Ngih dak n’hanh lam rêh jêng kon nuĭh ân ƀư lah ndrel tâm pă ăp ntil nău jêr jŏt hôm ƀa ƀă, gay ăp wa, ăp nô, ăp yuh rêh rhơn mƀak, rêh ngăch dăng, n’gơch aih; dơi mât chăm ma nău tâm rŏng, nău uănh khlay nsum n’hanh dêh jôn.