Lơ 16/7, rmôt hăn kan ăp ntŭk kan bah N’gâng kan Công an ndrel N’gâng kan neh dak hŏ mêt uănh nau tă geh dơi ƀư nau ntrŭnh bah Chính phủ mpeh nau tâm rgop ƀư nau kan mât đăp mpăn neh dak, đăp mpăn rnă njrăng, đăp mpăn nau rêh jêng, lơh rdâng ma phung tih dôih ndrel nau kan neh dak tâm Dak Lak. 6 khay bôk năm 2026, rmôt kan công an, tahen ndrel tahen Biên phòng n’gor Dak Lak hŏ nchrăp tâm rgop mât ƀư rjăp nau kan, tâm nchră, uănh năl kloh nau mbơh, kơl mbơh nchră ma gưl uỷ, n’gâng kan gay rklaih ân năn ăp nau kan mpeh rnă njrăng chính trị, đăp mpăn nau rêh jêng, rnă njrăng nkuăl n’har bri; ntrŭnh ƀư tâm ban ăp nau kan mât ân ueh nâp ăp nau kan chính trị khlay.

Lôch nar rƀŭn nchră, Thiếu tướng Cao Đăng Hưng, Groi Chánh Văn phòng N’gâng kan Công an rnê prêh nau tă geh bah rơh tâm nchră tâm rgop bah pe rmôt n’gâng kan, đă lŏ ntrŭnh ƀư ân rjăp, ƀư ân n’hêl nau ntrŭnh mrô 03, nchrăp mât, nchrăp mbơh nu nau tât tă bah ơm, tă bah ngai, n’hao nau nâp nâl nau tâm rgop, năn mbơh nchră, rklaih ăp nau tât, mô ân geh ndrât ndal, mô năn njrăng./.