Kêng măng 16/7, Sở khoa học ndrel Công nghệ n’gor Dak Lak tâm rgop nsum đah ntŭk ƀư nau rƀŏng kan (Nrŭk rƀŏng nau kan Khoa học ndrel Công nghệ) ƀư nau tâm nchră rƀŭn, mbơh ăp bôk nau kan bah nkô̆ nau “Hun hao văng sa mrô n’gor Dak Lak lvang năm 2026-2030, rƀŏng tât năm 2045”. Nchrăp bôk nau kan ân geh uănh năl kloh hun hao văng sa mrô lah nau nsôih hun hao mhe, rgop nau leo nau hun hao văng sa bah n’gor Dak Lak hao geh ntơm 11% hao gŏ lơ.

Tât năm 2030, nau văng sa mrô nsôih rgop ueh ngăn đê̆ ngăn 30% nau hun hao văng sa ndrel tât năm 2045 jêng nau kan văng sa hun hao tơm. Lvang năm 2026-2030, n’gor Dak Lak nchrăp ntrŭnh ƀư 20 nau kan, bôk nau kan kơl an, đah rnoh tơm prăk đăng ký rlau 3.400 rmen prăk gay hun hao ntŭk ntu kan mrô, rnoh mrô, nuih kan mrô ndrel ntrŭt dăng nau ntrơn rgâl rmô tâm nau kan văng sa tơm khlay./.