Tâm Nghệ An ndrel Hà Tĩnh, wa Trần Cẩm Tú, Uỷ viên Bộ Chính trị, Rnâng kan Ban Bí thư leo bôk rmôt hăn kan bah Trung ương râng ăp nau kan nkah ndrel kơl an di nkah 79 năm nar tahen sôt rmanh 27/7. Tâm ntŭk mât răk ân tahen sôt rmanh, nŭih ji’ 18 nŭih băl mpôl geh n’hâm bah 2 n’gor Nghệ An ndrel Hà Tĩnh. Ntoh măt rđau kan Đảng, Ngih dak, wa Trần Cẩm Tú njoăl nau ôp khâl đêp rmên, nau nkah klâng ueh jru ndrel ăp nau ŭch rŏng ngăn tât đah tahen sôt rmanh, băl mpôl nŭih geh n’hâm dôl geh mât chăm, răk rong, săm ngăn ta aơ.

Tâm Hà Tĩnh, wa Trần Cẩm Tú ndrel rmôt hăn kan hŏ tât lao nkao, mpoh kthup tâm Ntŭk nkah ơm Nglah 3 Đồng Lộc, ntŭk ma 10 nŭih bu ur druh Xung phong Tiểu đội 4, Đại đội 552 lĕ khĭt jêh rnôk geh bu klŭp ƀom bah phung rlăng. Khân păng hŏ roh rnôk ma năm hôm mom hôm druh, hŏ nchih nkah tay du nau nkoch ueh mro mrăng bah rnoi mpôl./.