Nkra rgâl dăp rgum, kơl lor ntuh kơl 2 trong têh hăn ngăn rlău Dak Lak bah năp năm 2030
Thứ sáu, 10:10, 17/07/2026
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV.M’nông - Mbơh ta nar rƀŭn mbơh ôi (16/7), UBND n’gor Dak Lak an gĭt, tĭng Nău ntrŭnh 1088 bah Bộ Xây dựng, trong têh hăn ngăch Pleiku-Buôn Ma Thuột-Gia Nghĩa đah dĭng lĕ jong rlău 260 km lĕ dơi nkra rgâl ngăch ntuh kơl ƀư bah năp năm 2030.
Nău nchrăp ƀư geh dĭng lĕ rnoh ntuh kơl nchrăp geh nklăp 70.000 rmen prăk. Tĭng nău ntrŭnh mrô 1088, trong têh hăn ngăch Phú Yên-Dak Lak dơi nkra rgâl ntơm ntuh kơl an bah năp 2030.
Tĭng dăp rgum, lvang 1 jong nklăp 122 km, nthoi bah ndrâm dak Bãi Cốc (Phú Yên ơm) tât Buôn Hồ (Dak Lak); lvang 2 nthoi jong bah Buôn Hồ tât nkual n’har bri Việt Nam-Campuchia. Nău 2 trong têh hăn ngăch hăn rlău n’gor Dak Lak dơi kơl lor mbơh ƀư bah năp năm 2030 lah trong hăn khlay, pơk luh ntŭk ntô hun hao mhe n’hanh n’hao boăt nthoi an n’gor Dak Lak mât uĕh nău geh jêh nglăp nsum./.
Viết bình luận